Sri lanka News - செய்திகள்

மட்டக்களப்பு தனியார் பேரூந்து விபத்தில் 30 பேர் காயம்! 7 பேர் ஆபத்தான நிலை

2011-03-01T03:50:00.001-08:00

மட்டக்களப்பு புனானை பகுதியில் தனியார் பயணிகள் பேருந்து ஒன்று இன்று விபத்துக்குள்ளானதில் 30 பேர் காயமடைந்துள்ளனர். இதில் ஏழு பேரின் கவலைக்கிடமான நிலையில் உள்ளதாக தெரிவிக்கப்படுகின்றது.
கண்டியிலிருந்து வாழைச்சேனை நோக்கிச் பயணித்த பயணிகள் பேருந்தே அனர்த்தத்திற்கு உள்ளானதாக காவல்துறையினர் தெரிவித்துள்ளனர்.

விபத்தில் 30 பேர் காயமடைந்தனர் இதில் 20 பேர் சிகிச்சைப் பெற்று திரும்பியுள்ளதாக தெரிவிக்கப்பட்டுள்ளது.

இதேவேளை, கவலைக்கிடமான நிலையில் உள்ள 7 பேர் மட்டக்களப்பு வைத்தியசாலையிலும், ஏனையோர் வாழைச்சேனை வைத்தியசாலையிலும் சிகிச்சைப் பெற்று வருகின்றனர்.

விபத்து தொடர்பில் வாழைச்சேனை காவல்துறையினர் மேலதிக விசாரணைகளை மேற்கொண்டு வருகின்றனர்

அம்பாறையில் வெள்ளத்தால் 1,70,000 ஏக்கர் பெரும்போக நெற்செய்கை முற்றாக அழிவு

2011-02-14T19:01:00.001-08:00

அம்பாறை மாவட்டத்தில் அண்மையில் ஏற்பட்ட பெரு வெள்ளத்தினால் நெற் செய்கையாளர்கள், மேட்டுநில பயிர்ச் செய்கையாளர்கள், மரக்கறி செய்கையாளர்கள், கால்நடை வளர்ப்பாளர்கள் மற்றும் பண்ணையாளர்கள் மிகவும் மோசமாகப் பாதிக்கப்பட்டுள்ளனர்.

வழமையாக அம்பாறை மாவட்டத்தில் இம்முறை பெரும் போகத்தின் போது கூடுதலான விவசாய நிலங்கள் நெற்பயிர்ச்செய்கைக்கு உட்படுத்தப்பட்டிருந்தன. கூடுதலான விளைச்சல் இம்முறை கிடைக்கும் என எதிர்பார்த்திருந்த விவசாயிகளின் நெற்பயிர்கள் வெள்ளத்தில் மூழ்கியுள்ளதாலும் பயிர்கள் அழிவுக்குள்ளானதாலும் மிகவும் கவலையடைந்துள்ளனர். நெற்பயிர்கள் மட்டுமல்லாது வயல் நிலங்களும் நீர்ப்பாசன வடிகான்களும் வெள்ள நீரினால் அடித்துச் செல்லப்பட்டுள்ளன.வெள்ளத்தினால் பாதிக்கப்பட்டுள்ள அனைத்து வகையான பயிர்ச்செய்கையிலும் ஈடுபட்ட விவசாயிகளுக்கு உடனடியாக நிவாரணம் மற்றும் நஷ்டஈடு வழங்குமாறு அம்பாறை மாவட்டத்திலுள்ள விவசாய அமைப்புகள் சம்பந்தப்பட்ட அதிகாரிகளிடம் கோரிக்கை விடுத்துள்ளன.

பெரும்போக நெற்பயிர் செய்கையில் வெள்ளத்தினால் அம்பாறை மாவட்டத்தில் ஒரு இலட்சத்து 70 ஆயிரம் ஏக்கர் வயல்நிலங்கள் பாதிக்கப்பட்டுள்ளதாக அம்பாறை மாவட்ட விவசாய பிரதிப் பணிப்பாளர் ஏ.எஸ்.எம்.ஹரீஸ் தெரிவித்தார்.

படுவான்கரைக்கும் எழுவான்கரைக்கும் இடையில் ஜப்பான் உதவியுடன் புதிய பாலம்

2011-02-14T18:59:00.001-08:00

மட்டக்களப்பின் படுவான்கரைக்கும் எழுவான்கரைக்குமான போக்குவரத்தில் மிக முக்கியமானதாக விளங்கும் மண்முனை ஆற்றினை கடப்பதற்கு அதனூடாகப் பாலம் ஒன்று அமைப்பதற்கு ஜப்பானின் ஜெய்க்கா நிறுவனம் நிதி உதவி வழங்குவதுடன் அதன் நிர்மாண வேலைகளிலும் ஈடுபடுவதற்கு இணக்கம் தெரிவித்துள்ளது.

ஞாயிற்றுக்கிழமை காலை மட்டக்களப்பு மாவட்ட செயலகத்தில் இது தொடர்பான மாநாடொன்று நடைபெற்றது. இதில் மீள் குடியேற்ற பிரதி அமைச்சர் வீ.முரளிதரன், மாவட்ட செயலாளர் சுந்தரம் அருமைநாயகம், வீதி அபிவிருத்தி அதிகார சபையின் கிழக்கு மாகாண பணிப்பாளர் வை.தர்மரெட்ணம், திட்டப்பணிப்பாளர், மற்றும் பட்டிப்பளை, மண்முனைப்பற்று பிரதேச செயலாளர்கள் உள்ளிட்ட அதிகாரிகள் கலந்து கொண்டனர்.

இம் மாநாட்டில் மண்முனைப் பால நிர்மாணம் தொடர்பான விடயங்கள் கலந்துரையாடப்பட்டதுடன் ஜெய்க்காவின் நகர மற்றும் பிராந்திய அபிவிருத்தி பிரிவு மற்றும் பொருளாதார உட்கட்டமைப்புக்குப் பொறுப்பான பணிப்பாளர் கொஜிமா உமி கலந்து கொண்டு தமது உறுதி மொழியை வழங்கினார்.

பல கோடி ரூபா செலவில் அமையவுள்ள மண்முனைப் பாலமானது படுவான்கரை மக்களுக்கும் எழுவான்ரை மக்களுக்கும் பெரும் வரப்பிரசாதமாக அமையும்.

பாலத்தின் நிர்மாண வேலைகள் அடுத்த வருட ஆரம்பத்தில் தொடங்கி சுமார் ஒரு வருட காலத்தில் நிறைவடையுமென ஜெய்க்கா பணிப்பாளர் தெரிவித்தார்.

Thinakural

பெரியகல்லாறில் பல ஆலயங்களில் விக்கிரகங்கள் விஷமிகளால் சேதம்

2011-02-14T18:32:00.000-08:00

மட்டக்களப்பு மாவட்டத்தின் களுவாஞ்சிக்குடி பொலிஸ் பிரிவுக்குட்பட்ட பெரியகல்லாறு பகுதியில் ஆலயங்களில் உள்ள விக்கிரகங்கள் பல விஷமிகளால் உடைக்கப்பட்டு வருகிறது.

பெரியகல்லாறு ஸ்ரீசிவசுப்பிரமணியர் ஆலயத்தின் பிள்ளையார் ஆலயம்,நவக்கிரக ஆலயம் போன்றவற்றின் விக்கிரகங்கள் உடைக்கப்பட்டுள்ளதாக ஆலயத்தலைவர் சீ.செல்வராசா தெரிவித்தார்.

அண்மைக்காலமாக பெரியகல்லாறு பகுதியில் உள்ள இந்து ஆலயங்கள் திட்டமிட்டு உடைக்கப்பட்டு வருகின்றமை தொடர்பில் களுவாஞ்சிக்குடி பொலிஸ் நிலையத்திலும் முறையிடப்பட்டுள்ளது.

அண்மையில் இப்பிரதேசத்தில் வரலாற்றுப்புகழ் பெற்ற ஆலயங்களான ஸ்ரீவடபத்திர காளியம்மன் ஆலயம்,கடலாச்சியம்மன் ஆலயம் என்பனவும் விஷமிகளால் உடைக்கப்பட்டிருந்தன.

இந்த நிலையில் ஸ்ரீசிவசுப்பிரமணியர் ஆலயத்தின் பிள்ளையார் ஆலயம்,நவக்கிரக ஆலயம் போன்றவற்றின் விக்கிரகங்கள் உடைக்கப்பட்டுள்ளன.

இச்சம்பவங்கள் கொள்ளையிடுவதை நோக்காகக் கொண்டு இடம்பெறவில்லையெனவும் கிராம மக்கள் தெரிவிக்கின்றனர்

பொலிஸாரால் தேடப்பட்டு வந்த மூவர் மட்டக்களப்பு நீதிமன்றில் சரண்

2011-02-10T10:38:00.001-08:00

மட்டக்களப்பில் பல கொள்ளைச் சம்பவங்களில் ஈடுபட்டு வந்ததாக பொலிஸாரால் தேடப்பட்டு வந்த மூவர் மட்டக்களப்பு நீதிவான் நீதிமன்றில் சட்டத்தரணி ஒருவர் ஊடாக நேற்று முன்தினம் சரணடைந்துள்ளனர்.

மட்டக்களப்பில் நீண்டகாலமாக பல கொள்ளைச்சம்பவங்கள் இடம்பெற்று வந்த நிலையில் அண்மையில் அரசடிச் சந்தியில் கையடக்கத் தொலைபேசி விற்பனை நிலையம் உடைக்கப்பட்டு கொள்ளையிட்டதைத் தொடர்ந்து பொலிஸார் மேற்கொண்ட விசாரணையினூடாக ஒருவர் கைதுசெய்யப்பட்டு பொருட்களும் கைப்பற்றப்பட்டன.

இவர் ஊடாக மேற்கொண்ட விசாரணையின் மூலம் இக்குழுவில் மேலும் மூவர் சம்பந்தப்பட்டிருப்பதாக தெரிய வந்ததையடுத்து பொலிஸார் தேடியபோது மூவரும் தலைமறைவாகியிருந்தனர்.

இந்நிலையில், நேற்று முன்தினம் ஈச்சந்தீவு நீதிமன்றத்தில் சட்டத்தரணி ஊடாக சரணடைந்துள்ளதாக மட்டக்களப்பு பொலிஸ் நிலையக் குற்றத்தடுப்பு புலனாய்வுப் பிரிவுப் பொறுப்பதிகாரி தம்பிராசா சாந்தகுமார் தெரிவித்தார்.

கல்முனையில் படகு கவிழ்ந்து காணாமல் போனோரில் ஒருவரின் சடலம் மீட்பு

2011-02-06T16:48:00.000-08:00

கல்முனை நாவிதன்வெளி கிட்டங்கி வாவியில் படகு கவிழ்ந்து காணாமல்போன இருவரில் ஒருவரது சடலம் மீட்கப்பட்டுள்ளது.

நாவிதன்வெளி அன்னமலைப் பகுதியைச் சேர்ந்த இருவர் கிட்டங்கி வாவியை வள்ளத்தில் கடக்கும் போது வள்ளம் கவிழ்ந்து வெள்ளிக்கிழமை காலை காணாமல் போனதைத் தொடர்ந்து பொலிஸாரும் பொதுமக்களும் தேடுதல் பணியில் ஈடுபட்டனர்.இதன்போது நேற்று சனிக்கிழமை காலை ஒருவரது சடலம் மீட்கப்பட்டுள்ளது.

இச்சம்பவம் தொடர்பாக மேலும் தெரியவருவதாவது; கல்முனையில் இருந்து நாவிதன்வெளி பிரதேசத்துக்கு செல்வதற்கான கிட்டங்கி வீதி வெள்ளத்தில் மூழ்கி நான்கு அடிக்கு மேல் வெள்ளம் பாய்வதால் நாவிதன்வெளி பகுதிக்கு செல்லும் மக்கள் வள்ளம்,தோணி என்பவற்றை பயன்படுத்துகின்றனர்.இவ்வாறு வெள்ளிக்கிழமை காலை 9 பேரை ஏற்றிக்கொண்டு சென்ற தோணி நீரின் வேகத்தினால் கவிழ்ந்து விபத்துக்குள்ளாகியது.இதன் போது அதில் இருந்த 7 பேர் பல சிரமங்களுடன் கரை சேர்ந்த போதும் இருவர் காணõமல் போயுள்ளனர்.

காணாமல் போனவர்கள் நாவிதன்வெளி,அன்னமலை பகுதியைச் சேர்ந்த இராசையா அசோக்குமார்(வயது 42),முத்துராமன் கணேஷன் (வயது 37)ஆகியோராவர்.

இதனைத் தொடர்ந்து கிட்டங்கி வாவி படகுச் சேவை பொலிஸாரின் உத்தரவுக்கமைய தற்காலிகமாக நிறுத்தப்பட்டது.இதனால் நாவிதன்வெளி பகுதியில் இருந்து உணவுப் பொருட்கள் வாங்கச் சென்ற பல பொதுமக்கள் திரும்பிச் செல்ல முடியாத நிலையிலுள்ளனர். இவர்கள் சேனைக்குடியிருப்பு,நட்பிட்டிமுனை பிரதேசங்களிலே தங்க வேண்டிய அவல நிலை ஏற்பட்டுள்ளது.

சம்பவத்தில் காணாமல் போனவர்களுள் முத்துராமன் கணேஷன் என்பவரது சடலம் நேற்று சனிக்கிழமை காலை சடலமாக மீட்கப்பட்டதுடன் மற்றவரை தேடும் பணியில் பொலிஸாரும் பொதுமக்களும் ஈடுபட்டுள்ளனர்

சம்மாந்துறையில் வெள்ளத்தால் 590 ஏக்கர் வயல்கள் முற்றாகச் சேதம்

2011-02-06T16:40:00.000-08:00

சம்மாந்துறை விவசாய விரிவாக்கல் பிரிவிக்குட்பட்ட தொய்யம் வட்ட கிழக்குப் பிரதேசத்தில் சுமார் 590 ஏக்கர் வயல் நிலம் முற்றாகச் சேதம் அடைந்துள்ளது.

அம்பாறை மாவட்டத்தில் பெய்த அடைமழையினால் ஏற்பட்ட வெள்ளம் காரணமாக பூலாக்காடு,தொய்யம் வட்ட பிரதேசத்தில் பயிர் செய்யப்பட்டிருந்த நெல் காணியில் நீண்டநாட்களாக நீர்தேங்கி நின்றதால் கதிருடன் கூடிய நெல் முற்றாக அழிவடைந்துள்ளதுடன், ஆற்றின் ஓரமாகவுள்ள வயல்களும் வயலுக்குச் செல்லும் வீதிகளும் முற்றாக சேதத்திற்குள்ளாகியுள்ளன.

அம்பாறை மாவட்டத்தில் அக்கரைப்பற்று தெற்கு, மல்வத்தை, அக்கரைப்பற்று கிழக்கு,தம்பிலுவில்,சம்மாந்துறை,பொத்துவில்,மத்திய முகாம், அட்டாளைச்சேனை, உகன், மகாஓயா,நிந்தவூர்,இறக்காமம், தமன,தெஹியத்தகண்டிய,குமுண போன்ற பிரதேசங்களில் ஒரு இலட்சத்து 20 ஆயிரத்து 160 ஏக்கர் நெற்காணிகள் வெள்ளத்தினால் அழிவடைந்துள்ளதுடன்,6120 ஏக்கர் உப உணவுப் பயிர்களும் சேதமடைந்துள்ளன.

வெள்ளத்தினால் விவசாய திணைக்களத்திற்கும் தேசிய நீர்வழங்கல் வடிகாலமைப்புச்சபை,வீதி அபிவிருத்தி அதிகாரசபை,நீர்ப்பாசனத் திணைக்களம் என்பவற்றுக்கு பல மில்லியன் ரூபா நஷ்டம் ஏற்பட்டுள்ளதாக விவசாய உதவி ஆணையாளர் ஜே.பி.ஏ.புஷ்பகுமார தெரிவித்துள்ளார்.

அக்கரைப்பற்று மாநகரசபை வேட்பாளரின் வீட்டின் மீது அதிகாலை துப்பாக்கிச்சூடு

2011-02-06T16:37:00.000-08:00

அக்கரைப்பற்று மாநகரசபைத் தேர்தலில் தேசிய காங்கிரஸ் கட்சியில் போட்டியிடும் வேட்பாளர் வீட்டின் மீது நேற்று அதிகாலை இனந்தெரியாதோரினால் துப்பாக்கி பிரயோகம் மேற்கொள்ளப்பட்டுள்ளது.

இதனால் வீட்டில் சிறுசேதம் ஏற்பட்டுள்ளதாக அக்கரைப்பற்று பொலிஸார் தெரிவித்தனர்.

இந்த மாநகர சபை தேர்தலில் போட்டியிடும், அக்கரைப்பற்று உடையார் வீதியிலுள்ள எம்.முகமட் ரிஸாம் என்பணிரின் வீட்டின் மீதே நேற்று அதிகாலை 4.30 மணியளவில் இனம்தெரியாதோரினால் துப்பாக்கிபிரயோகம் மேற்கொள்ளப்பட்டுள்ளது. இதனால் வீட்டின் யன்னல்கண்ணாடிகள் உடைந்து சேதமடைந்துள்ளதுடன் அவர் வீட்டில் இருந்தபோதும் அவருக்கு எதுவும் ஏற்படவில்லையென பொலிஸார் தெரிவித்தனர்.

இச்சம்பவம் தொடர்பாக மேலதிக விசாரணைகளை அக்கரைப்பற்று பொலிஸார் மேற்கொண்டு வருகின்றனர்.

மட்டக்களப்பு படுவான்கரையில் வீட்டுக்கூரைகள், மரக்கிளைகளிலிருந்து மீட்கப்படும் மக்கள் சகல பகுதிகளும் வெள்ளக்காடு

2011-02-06T09:43:00.001-08:00

மட்டக்களப்பு மாவட்டத்தில் வெள்ளம் காரணமாக 2,25,080 பேர் இடம்பெயர்ந்து பாதுகாப்பான இடங்களில் தஞ்சமடைந்துள்ளனர். 21,487 குடும்பங்களைச் சேர்ந்த 78,973 பேர் 177 முகாம்களில் தங்கவைக்கப்பட்டுள்ளனர். 37,362 குடும்பங்களைச் சேர்ந்த 1,46,107 பேர் உறவினர் நண்பர்கள் வீடுகளில் தஞ்சமடைந்துள்ளனர்.

மாவட்டத்தின் மேடான ஒரு சில பகுதி தவிர மட்டக்களப்பு நகர் உட்பட பெரும்பாலான பகுதி நீரில் மூழ்கியுள்ளன. நேற்று சற்று மழை குறைவடைந்திருந்தது. இந்நிலைமை நீடிக்குமாயின் இன்று வெள்ளம் வடிவதற்கான சாத்தியம் உள்ளது.

மட்டக்களப்பு மாவட்டத்தின் வருடாந்த மழை வீழ்ச்சி 1600 மில்லி மீற்றராகக் காணப்பட்ட போதும் ஜனவரி முதலாந் திகதி முதல் நேற்று முன்தினம் முற்பகல் 11.30 மணிவரை 1706.9 மில்லி மீற்றர் மழை வீழ்ச்சி பதிவாகியுள்ளதாக மட்டக்களப்பு வானிலை நிலைய பொறுப்பதிகாரி எஸ்.சிவதாஸ் தெரிவித்தார். இதேவேளை சனிக்கிழமை காலை 8.30 மணிவரையான 48 மணித்தியாலயத்துக்குள் 272.6 மில்லி மீற்றர் மழை பதிவாகியுள்ளதாகவும் அவர் தெரிவித்தார். நேற்று முன்தினம் பகல் வேளை கூடுதலான மழை வீழ்ச்சி இடம்பெற்றது.

மாவட்டத்தின் இயல்பு வாழ்வு வெள்ளத்தினால் ஸ்தம்பிதமடைந்து காணப்பட்டது. போக்குவரத்து முற்றாகப் பாதிக்கப்பட்டது. மட்டக்களப்பு மாவட்டத்தின் இரு பகுதிகளாகக் காணப்படும் படுவான்கரை எழுவால்கரையின் தொடர்பு துண்டிக்கப்பட்டன. படுவான்கரை எழுவான்கரையினை இணைக்கும் வலையிறவு வவுணதீவு பால வீதி, பட்டிருப்பு பெரிய போரதீவு பால வீதி, செங்கலடி கறுத்தப்பாவ வீதி, கிரான் குடும்பி மலை வீதி என்பவற்றால் ஐந்து அடிக்கு மேற்பட்ட நீர் பாய்ந்ததினால் தொடர்பு துண்டிக்கப்பட்டது. இவற்றுக்கு இயந்திரப் படகுச் சேவை வழங்கப்பட்டது. அதேபோன்று மட்டக்களப்பு கொழும்புக்கான போக்குவரத்தும் துண்டிக்கப்பட்டது. புகையிரதச் சேவை கொழும்பிலிருந்து கெக்கிராவை வரையே இடம்பெற்றது.

வெள்ளம் காரணமாக இடம்பெயர்ந்த மக்கள் மேட்டுப் பகுதியில் உள்ள பாடசாலைகளில் தங்கவைக்கப்பட்டனர். உறவினர், நண்பர்கள் வீடுகளில் தஞ்சமடைந்தவர்கள் தவிர பெரும்பாலான மக்கள் தங்களது வீடுகளுக்குள்ளேயே பாதுகாப்பைத் தேடிக் கொண்டு இருந்தனர். இவர்கள் இடம்பெயர்ந்திருப்பின் இடம்பெயர்ந்தோர் தொகை மேலும் அதிகரித்து இருக்கும்.

14 பிரதேச செயலாளர் பிரிவுகளிலும் வெள்ளத்தின் பாதிப்பு ஏற்பட்டது. இருந்தபோதும் படுவான்கரையில் குளங்கள் இருப்பதனால் குளங்கள் திறந்து விடப்பட்டதனால் வேகமாக வந்த நீர் படுவான்கரையினை முற்றாக அக்கிரமித்தது. இதனால் கிராமங்களுக்கிடையிலான தொடர்பு துண்டிக்கப்பட்டது. மக்கள் வீட்டுக் கூரைகளிலும் மரத்தின் கொப்புகளிலும் தஞ்சமடைந்த நிலையில் மீட்கப்பட்டனர்.

வவுணதீவு, பட்டிப்பனை, வெல்லாவெளி, கிரான், செங்கலடி பிரதேச செயலாளர் பிரிவுகளிலேயே மிக மோசமாகப் பாதிப்பு ஏற்பட்டது.

வவுணதீவில் சின்னத் தோட்டம், தில்லர் தோட்டம் ஆகிய கிராம மக்கள் சிக்குண்ட நிலையில் மீட்கப்பட்டனர். வெல்லா வெளிப் பிரதேசத்தில் வேத்து சேனை, ஆனைகட்டியவெளி, றாணமடு, நாவிதன் வெளி, காக்காச்சி அட்டை கிராமங்கள் முற்றாக நீரில் மூழ்கி மக்கள் மீட்கப்பட்டனர். கிரான் பிரதேச செயலகப் பிரிவில் சாறாவெளி, முறுத்தானை, பிரம்படித்தீவு ஆகிய கிராம மக்கள் கிண்னையடி துறை ஊடாகவும் யூலாக்காடு, பொண்டுகள் சேனை, செட்டியார் குடியிருப்பு, புலிபாய்ந்தகல், பேரில்லாவெளி கிராம மக்கள் கிரான் துறை ஊடாக படகு மூலம் மீட்கப்பட்டனர்.

உள்ளூர் போக்குவரத்து முற்றாக பாதிக்கப்பட்டது. வாகரைக்கான போக்குவரத்தும் துண்டிக்கப்பட்டது. கதிரவெளி வெருகல், கட்டுமுறிவு, பனிச்சங்கேணி பாலம் என்பவற்றால் நீர் பரவுவதால் போக்குவரத்து துண்டிக்கப்பட்டதுடன் தஞ்சமடைந்த மக்களுக்கு உணவுப் பொருட்களை மட்டக்களப்பிலிருந்து கொண்டு செல்ல முடியாத நிலையும் ஏற்பட்டன.

வவுணதீவுப் பிரதேசத்தில் ஆயித்தியமலை வீதி, வவுணதீவு கன்னன்குடா வீதி, மகிழவெட்ட வான் கரவெட்டி வீதி உட்பட பிரதான போக்குவரத்து பாதை உட்பட உள்ளூர் போக்குவரத்தும் துண்டிக்கப்பட்டது.

வெல்லாவெளி பாலையடி வட்டை வீதி, வெல்லாவெளி மண்டூர் வீதி, பெரிய போரதீவு மழுகாமம் வீதி, மண்டூர் வைக்கலை வீதி, மண்டூர் நாவிதன்வெளி வீதி போன்ற பிரதான வீதிகள் உட்பட உள்ளூர் வீதிகளும் முற்றாக துண்டிக்கப்பட்டன. இப்பகுதிக்கு இயந்திரப் படகுச் சேவை வழங்கப்பட்டன.

இதேவேளை வவுணதீவு பிரதேசத்தில் கட்பாக்காடு வீதி, வெல்லாவெளியில் திக்கோடை வீதி என்பன வெள்ளத்தினை உடைத்துள்ளது. மண்டூர் கறுத்தப்பாலம் சரிந்துள்ளது.

மாவட்டத்தில் கடந்த வெள்ளத்தினால் சுமார் 60 ஆயிரம் கால்நடை இறந்தும் காணாமல் போயும் உள்ளதாக தெரிவிக்கப்பட்டது. அதனைவிட இவ் வெள்ளம் பாரியதாகக் காணப்பட்டதால் இந்த தொகை அதிகரித்து இருக்கும். அத்துடன் மாவட்டத்தில் செய்கை பண்ணப்பட்ட ஒரு இலட்சத்து எழுபதாயிரம் ஏக்கர் விவசாயச் செய்கையும் முற்றாகச் சேதமடைந்துள்ளது.

படுவான்கரையில் உள்ள அனைத்து மண்வீடுகளும் இவ் வெள்ளத்தினால் முற்றாகச் சேதமடைந்திருக்கலாம். நகரில் உள்ள கல் வீடுகளில் கூட வெடிப்பு ஏற்பட்டுள்ளதைக் காணக்கூடியதாக உள்ளது.

கிழக்கில் மழை வெள்ளம் பாதிப்பு தொடர்கிறது மக்கள் தொடர்ந்தும் இடம்பெயரும் நிலைமை சகல பகுதிகளும் வெள்ளக் காடாகிறது

2011-02-04T15:01:00.000-08:00

கிழக்கு மாகாணத்தில் தொடர்ந்து பெய்து வரும் மழை காரணமாக பெரு வெள்ள அனர்த்தம் ஏற்பட்டுள்ளதுடன், பாதிப்புக்குள்ளான மக்கள் தங்கள் குடியிருப்புப் பிரதேசங்களை விட்டும் இடம்பெயர்ந்துள்ளனர்.

மக்களின் நாளாந்கத சுமுக வாழ்க்கை முற்றாக சீர்குலைந்துள்ளது. சகல வாழ்வாதார நடவடிக்கைகளும் முடக்கப்பட்டுள்ளதால் ஜீவனோபாயத்திற்கு மக்கள் பெரும் கஷ்டங்களை அனுபவித்து வருகின்றனர்.

மட்டக்களப்பு, அம்பாறை, திருகோணமலை ஆகிய மாவட்டங்களில் வெள்ளத்தினால் பாதிக்கப்பட்டுள்ள மக்கள் உறவினர்களது வீடுகளிலும் பொது இடங்களிலும் தங்கியுள்ளனர். இது தொடர்பாக தகவல் திரட்டும் பணியிலும் நலன்புரி நிலையங்களின் நடவடிக்கைகளிலும் கிராம சேவகர்கள் ஈடுபட்டுள்ளதாக பிரதேச செயலாளர்கள் தெரிவிக்கின்றனர்.

இம்மாவட்டங்களில் பல்வேறு இடங்களிலும் குளங்கள் நிரம்பி வழிவதோடு, பல குளங்களினதும் நீர்த்தேங்கங்களும் திறந்துவிடப்பட்டுள்ளன. பல இடங்களில் மின் கம்பங்கள் சரிந்து விழுந்துள்ளன. நெல் வயல்கள் யாவும் நீரில் மூழ்கியுள்ளதுடன், பிரதான வீதிகள் உட்பட அநேகமான வீதிகள் நீரில் மூழ்கியுள்ளன. இதனால் உள்ளூர், வெளியூர் போக்குவரத்துகள் ஸ்தம்பிதமடைந்துள்ளன. உள்ளக வீதிகளில் நீர் தேங்கி நிற்பதுடன் நீர் வழிந்தோடுவதற்காக வீதிகள் வெட்டப்பட்டுள்ளன.

அம்பாறை மாவட்டத்தில் பொத்துவில் தொடக்கம் மருதமுனை வரையான சகல கரையோரப் பிரதேசங்களும் வெள்ளக் காடாகவே காட்சி தருகின்றன. அம்பாறையில் சேனநாயக சமுத்திரத்தின் நீர் மட்டம் 107 அடிக்கு மேல் காணப்பட்டதைத் தொடர்ந்து அதன் கதவுகள் திறக்கப்பட்டதால் காரைதீவு, சம்மாந்துறை, ஒலுவில் ஆகிய பிரதேசங்கள் பெரும் பாதிப்புக்குள்ளாகின. அம்பாறை, கல்முனை போக்குவரத்து முற்றாகத் துண்டிக்கப்பட்டது.

இச் சமுத்திரம் திறக்கப்பட்டதனால் ஒலுவில் தென்கிழக்குப் பல்கலைக்கழகம் பெரும் வெள்ள அனர்த்தத்திற்குள்ளானதாக பதிவாளர் எச்.ஏ.சத்தார் தெரிவித்தார். இங்கு பிரதான மின்மாற்றி வெள்ளத்தினால் அள்ளுண்டதுடன், விரிவுரையாளர் விடுதிகளும் பெரும் கிடங்குகளாகத் தோண்டப்பட்டுள்ளன.

கிழக்கு மாகாணத்தில் பெரும்பாலான பாடசாலைகள் நீரில் மூழ்கியுள்ளதால் இப்பாடசாலைகள் யாவும் மூடப்பட்டுள்ளன. காலநிலை சீராகும் வரை வெள்ளப்பாதிப்புக்குள்ளான பாடசாலைகள் அதிபர்களுடனான கலந்துரையாடலின் பின்பே மீளத்திறக்கப்படுமென கிழக்கு மாகாண கல்விப் பணிப்பாளர் எம்.ரி.ஏ.நிஸாம் தெரிவித்தார்.

இதேவேளை நேற்று அதிகமான பாடசாலைகள் மாணவர்களது வரவின்மையினாலும் நீரில் மூழ்கியுள்ளதனாலும் நேரத்துடன் மூடப்பட்டன. அம்பாறை மாவட்டத்தில் திருக்கோவில் பிரதேசத்தில் படகொன்றில்மீன்பிடிக்கச் சென்ற இருவர் படகு கவிழ்ந்ததனால் வெள்ளத்தில் அள்ளிச் செல்லப்பட்டு உயிரிழந்துள்ளதாக திருக்கோவில் பொலிஸார் தெரிவித்துள்ளனர்.

இம்மாவட்டங்களில் பிரதான தொழில்துறைகளான விவசாயம், மீன்பிடிகளும் சகல வாழ்வாதார முயற்சிகளும் முடக்கப்பட்டுள்ளன. அத்தியாவசியப் பொருட்களுக்கு கடும் தட்டுப்பாடு நிலவுவதுடன், அதிக விலை உயர்வும் காணப்படுகின்றது. கடல் மீன்களுக்கும் பெரும் தட்டுப்பாடு ஏற்படுகின்றது. அறுவடைக்குத் தயாராக இருந்த பல்லாயிரக்கணக்கான ஏக்கர் நெல் வயல்கள் நீரில் மூழ்கியுள்ளதுடன் விவசாயச் செய்கைகள் யாவும் மாறி மாறி ஏற்பட்ட வெள்ளப் பெருக்கினால் அழிவடைந்துள்ளன. சுமார் 2 மாதங்களாக மீனவர்கள் கடலுக்குச் செல்லாததனால் மீன்பிடி பாதிக்கப்பட்டுள்ளது. கால்நடைகள் மற்றும் பண்ணைகள் சேதமடைந்துள்ளன. இதனால் இம்மாவட்டங்களில் பெரும் பொருளாதார நெருக்கடி ஏற்பட்டுள்ளது.

வீடுகளுக்குள் வெள்ள நீர் அதிகளவு தேங்கி நிற்பதால் பல வீடுகள் சேதமடைந்துள்ளதோடு, பெறுமதியான வீட்டு உபகரணங்களும் தளபாடங்களும் பாதிப்புக்குள்ளாகியுள்ளன. வெள்ள நீர் மட்டம் அதிகரித்துள்ளதால் அத்தியாவசியத் தேவைகளான குடிநீர் பெருதல், மலசலகூடத் தேவை என்பவைகளை நிறைவேற்றுவதில் மக்கள் பல அசௌகரியங்களை எதிர்கொண்டுள்ளனர். இதேவேளை பல்வேறு சுகாதாரப் பிரச்சினைகளையும் இம் மக்கள் எதிர்நோக்கி வருவதுடன், கடும் குளிரான காலநிலை தொடர்வதால் சிறுவர்களும் வயோதிபர்களும் பாதிப்புக்குள்ளாகியுள்ளனர்.

இச்சீரற்ற காலநிலை இடைக்கிடை நிலவுவதுடன், இது மே மாதம் வரை நீடிக்கக்கூடிய வாய்ப்பு காணப்படுவதாகவும் வானிலை அவதான நிலையம் அறிவித்துள்ளது குறிப்பிடத்தக்கது. இதேவேளை அம்பாறை மாவட்டத்தில் நேற்று முன்தினம் 217.5 மில்லி மீற்றர் மழை பெய்துள்ளதாகத் தெரிவிக்கப்பட்டுள்ளது.

தொடர்ந்தும் மழை பெய்யக்கூடிய சாத்தியம் காணப்படுவதுடன், தேங்கிநிற்கும் வெள்ள நீரை வடிந்தோடச் செய்வதில் மக்கள் ஈடுபட்டுள்ளதை காணமுடிகிறது.

அம்பாறையில் அடைமழை; வெள்ளப்பெருக்கு கிராமங்கள் வெள்ளத்தில்; மக்கள் இடம்பெயர்வு

2011-02-03T18:07:00.000-08:00

குளங்கள் உடைப்பெடுக்கும் அபாயம்

பாலமுனை, துறைநீலாவணை, நாவிதன்வெளி நிருபர்கள் : அம்பாறை மாவட்டத்தில் மீண்டும் நேற்று முன்தினம் முதல் தொடர்ச்சியான மழை பெய்து வருவதனால் வெள்ளப்பெருக்கு ஏற்பட்டுள்ளதுடன், மக்களின் அன்றாட வாழ்வும் பெரிதும் பாதிக்கப்பட்டுள்ளதுடன், பெருமளவு மக்கள் இடம்பெயர்ந்தும் வருகின்றனர். பாடசாலைகளும் மூடப்பட்டுள்ளன. போக்குவரத்துகளும் தடைப்பட்டுள்ளன.

பொத்துவில், திருக்கோவில், தம்பிலுவில், ஆலையடிவேம்பு, அக்கரைப்பற்று, அட்டாளைச்சேனை, நிந்தவூர், சம்மாந்துறை, கல்முனை, சாய்ந்தமருது, காரைதீவு போன்ற பிரதேச செயலகப் பிரிவுகளில் வெள்ளத்தினால் பாதிக்கப்பட்டுள்ள மக்கள் உறவினர் வீடுகளிலும் பொது இடங்களிலும் தங்கியுள்ளனர்.

அனைத்துப் பிரதேசங்களிலும் கடந்த மாதம் ஏற்பட்டதைப்போன்று வெள்ளம் ஏற்பட்டுள்ளன. தாழ்ந்த பிரதேசங்கள் நீரினால் நிரம்பி வீதிகளில் நீர் பரவுவதுடன் பல வீதிகள் நீரில் மூழ்கியுள்ளன. இதனால் போக்குவரத்துகள் தடைப்பட்டுள்ளதுடன் அரச, தனியார் அலுவலகங்களில் உத்தியோகத்தர்களின் வரவு குறைவாகக் காணப்பட்டன.

அநேக பாடசாலைகள் நீரில் மூழ்கியுள்ளதனாலும் மாணவர்களின் வரவு குறைவாகக் காணப்பட்டதாலும் பல பாடசாலைகள் நேரகாலத்தோடு மூடப்பட்டன.

உள்ளக வீதிகளில் நீர்தேங்கி நிற்பதால் மக்கள் பெரும் அசௌகரியங்களை எதிர்கொண்டுள்ளதோடு, நீரை வழிந்தோடச் செய்யும் வகையில் வீதிகளையும் வடிகான்களையும் வெட்டி விடுவதில் மக்கள் ஈடுபட்டிருந்ததைக் காண முடிந்தது. சகல பிரதேச செயலகங்களிலும் பாதிக்கப்பட்ட மக்களை பாதுகாப்பான இடங்களுக்கு கொண்டு செல்வதற்கான ஏற்பாடுகளை மேற்கொண்டு வருவதாக பிரதேச செயலாளர்கள் அறிவித்துள்ளனர்.

குளங்கள் பலவும் நிரம்பி வழிவதால் அவை திறக்கப்படவுள்ளன. இது குறித்து எச்சரிக்கை விடுக்கப்பட்டு வருகிறது. நேற்று புதன்கிழமை அம்பாறை மாவட்டத்தில் 43.4 மில்லிமீற்றர் மழை பெய்துள்ளதாக மாவட்ட வானிலை அவதான நிலையம் தெரிவித்துள்ளது. நெற்காணிகள் முற்றாக நீரில் மூழ்கியுள்ளன. இதனால் அறுவடை முழுமையாகப் பாதிக்கப்பட்டுள்ளது. மீனவர்களது தொழிலும் கடந்த ஒரு மாதத்திற்கு மேலாகப் பாதிக்கப்பட்டுள்ளதுடன், மக்கள் பெரும் பொருளாதார நெருக்கடிக்குள்ளாகியுள்ளனர்.

அம்பாறையில் கூட்டமைப்புக்கு வெற்றி நிச்சயம்! அடித்துக் கூறுகிறார் முன்னாள் எம்.பி. சந்திரகாந்தன்

2011-01-30T12:10:00.000-08:00

அம்பாறை திருக்கோவில் பிரதேச உள்ளுராட்சி மன்ற தேர்தலில் போட்டியிடும் தமிழ் தேசிய கூட்டமைப்பின் வேட்பாளர்கள் 12 பேரும் தமிழ் தேசியத்திற்காகவும் உரிமைக்காகவும் பாமரமக்களின் நலனுக்காகவும் ஒன்றிணைந்து தேர்தல் பிரச்சாரத்தில் ஈடுபட முடிவு செய்துள்ளதாக முன்னாள் பாராளுமன்ற உறுப்பினர் சந்திரநேரு சந்திரகாந்தன் தெரிவித்தார்.
அம்பாறை மாவட்டத்தில் 5 இடங்களில் போட்டியிட இருக்கும் தமிழ் தேசிய கூட்டமைப்பின் வேட்பாளர்களில் .திருக்கோவில் பிரதேச சபையில் போட்டியிடும் வேட்பாளர்கள் மற்றும் ஆதரவாளர்கள் முன்னாள் பாராளுமன்ற உறுப்பினர் ச. சந்திரகாந்தன் தலைமையிலான சந்திப்பு அவரின் இல்லத்தில் இன்று காலை நடைபெற்ற போது ஏகமனதாக பல முடிவுகள் எடுக்கப்பட்டன.

இவ் உள்ளுராட்சி மன்ற தேர்தலில் போட்டியிடும் திருக்கோவில் பிரதேச 12 வேட்பாளர்களும் ஒன்றிணைந்து தேர்தல் பிரசாரத்தில் ஈடுபடுவதாகவும், தமிழ் தேசியத்திற்காகவும் உரிமைக்காகவும் பாமர மக்களின் நலனுக்காகவும் தமிழ் கூட்டமைப்பின் அரசாங்கத்துடனான பேச்சுவார்த்தைக்கு உந்து சக்தியாகவும் ஒன்றிணைந்து தேர்தல் பிரசாரத்தில் ஈடுபடவுள்ளதாகவும் பொதுவான துண்டுப்பிரசுரம் ஒன்றை வெளியிடுவதும் திருக்கோவில் பிரதேசத்தின் தமிழ் தேசிய கூட்டமைப்பின் காரியாலயமாக முன்னாள் பாராளுமன்ற உறுப்பினர் சந்திரகாந்தனின் வீட்டில் இயங்கவும் எதிர்காலத்தில் அம்பாறை மாவட்ட காரியாலயமாக இயங்க நடவடிக்கை எடுக்கப்படுவதாகவும் அவர் தெரிவித்தார்.

இதேவேளை வேட்பாளர்களின் இலக்கம் தேர்தல் ஆணையாளரினால் வழங்கப்பட்டதும் பிரதேசத்தின் திருக்கோவில் ஸ்ரீ சித்திரவேலாயுத சுவாமி ஆலயம், சங்கமன்கண்டி பிள்ளையார் ஆலயம், கத்தோலிக்க ஆலயம், மெதடிஸ்த தேவாலயம் போன்ற ஆலயங்களின் தரிசனத்துடன் எதிர்வரும் 3 தினங்களின் பின் தேர்தல் பிரசார நடவடிக்கை ஆரம்பிக்கப்படவுள்ளது.

அம்பாறை மாவட்டத்தில் தமிழ் தேசிய கூட்டமைப்பு போட்டியிடும் நாவிதன்வெளி, காரைதீவு, ஆலையடிவேம்பு, திருக்கோவில், பொத்துவில் ஆகிய 5 இடங்களிலும் தமிழ் மக்களின் பெரும் ஆதரவுடன் வெற்றிபெற்று சர்வதேசத்திற்கும் அரசிற்கும் தமிழர்களின் உரிமையை வலியுறுத்தவுள்ளது என அவர் தெரிவித்தார்

மட்டக்களப்புஅம்பாறை பகுதிகளில் கடும் காற்றுடன் தொடர்ந்து மழை

2011-01-30T11:57:00.000-08:00

அம்பாறை மற்றும் மட்டக்களப்பு மாவட்டங்களில் வெள்ளிக்கிழமை இரவு முதல் நேற்று சனிக்கிழமை காலை வரை கடும் மழை பெய்துள்ளது.சில இடங்களில் கடும் காற்றும் வீசியுள்ளது.

இதனால் மீண்டும் பல இடங்களில் வெள்ளம் காணப்பட்டதுடன் வயல்களிலும் அருவி வெட்டும் வேலைகள் முற்றாகப்பாதிக்கப்பட்டுள்ளன.

இனிமேல் அருவிவெட்டும் வேலையைக் கைவிடவேண்டிய நிலை ஏற்பட்டுள்ளதாக விவசாயிகள் தெரிவிக்கின்றனர்.

மட்டக்களப்பில் 13.8 மில்லிமீற்றர் மழை பெய்ததாக வானிலை அவதான நிலையம் தெரிவித்துள்ளது.

அம்பாறை மாவட்டத்திலும் 3.7 மி.மீற்றர் மழை பெய்துள்ளதாகவும் அவதான நிலையம் தெரிவித்துள்ளது.

ஏற்கனவே வெள்ள அனர்த்தங்களால் பாதிக்கப்பட்டு இயல்பு வாழ்க்கைக்குத் திரும்பும் கிழக்கில் மீண்டும் மழை பெய்யும் நிலை காணப்படுவதாகவும் தெரிவிக்கப்படுகிறது.

நேற்று சனிக்கிழமை முழுநாளும் மழை விட்டுவிட்டு பெய்துள்ளது.

வட,கிழக்கு பருவப்பெயர்ச்சிக் காலநிலை தொடர்வதால் கிழக்கு, மத்திய, ஊவா மற்றும் வடமத்திய மாகாணத்தின் சில பகுதிகளில் மழை பெய்யும் எனவும் அவதான நிலையம் தெரிவித்துள்ளது.

அம்பாறை, மட்டக்களப்பில் மீண்டும் கடும் மழையால் வெள்ள அபாயம்

2011-01-30T11:56:00.000-08:00

அம்பாறை, பெரிய நீலாவணை, சம்மாந்துறை, ஆலையடிவேம்பு, திருக்கோவில், காத்தான்குடி நிருபர்கள் அம்பாறை மற்றும் மட்டக்களப்பு மாவட்டத்தில் மீண்டும் பெய்த திடீர் மழையால் இயல்பு நிலை பெரிதும் பாதிக்கப்பட்டதுடன் மீண்டும் வெள்ள அபாயம் ஏற்பட்டுவிடலாமென மக்கள் மத்தியில் அச்ச நிலையும் ஏற்பட்டுள்ளது.

செவ்வாய்க்கிழமை மாலை முதல் நேற்று புதன்கிழமை காலை வரையும் இந்த மழை பெய்துள்ளதுடன் நேற்று இப்பகுதிகளில் மப்பும் மந்தாரமும் காணப்பட்டதுடன் இடையிடையே மழைதூறியவண்ணமிருந்தது.

அம்பாறையில் ஏற்கனவே சில வாரங்களுக்கு முன்னர் பெய்த கடும் மழை மற்றும் வெள்ளப்பெருக்கு அனர்த்தங்களின் பின்னர் நிலைமை வழமைக்குத் திரும்பிக் கொண்டிருந்தபோது திடீரென இந்த மழை பெய்துள்ளதால் மக்கள் மத்தியில் அச்ச நிலைமை காணப்படுகின்றது.

மீண்டும் வெள்ளப்பெருக்கும் அழிவுகளும் ஏற்பட்டு விடலாமென்ற அச்சமும் என்ன செய்வதென்று தெரியாமலும் மக்கள் அவதிப்பட்டதையும் காண முடிந்தது.

நேற்றைய தினம் பாடசாலைக்கு குறைவான மாணவர்களே வந்தனர். அதேபோல அரசு தனியார் அலுவலகங்களிலும் குறைந்த ஊழியர்களே காணப்பட்டனர்.

பல கிராமங்கள் உள்ளூர் வீதிகளில் தாழ்ந்த பிரதேசங்களில் வெள்ளம் தேங்கியுள்ளது. வடிகான்களிலும் வெள்ளம் நிரம்பிக் காணப்பட்டது.

இதேவேளை மட்டக்களப்பு மாவட்டத்தில் செவ்வாய்க்கிழமை இரவு முதல் நேற்று புதன்கிழமை வரை கடும் காற்றுடனான மழை பெய்ததால் மீண்டும் வெள்ளப்பெருக்கு ஏற்படலாம் என்ற அச்சமும் பீதியும் மக்கள் மத்தியில் காணப்பட்டது.

ஏற்கனவே சில வாரங்களுக்கு முன் தொடராக மாவட்டத்தில் பெய்த பெருமழை காரணமாக பல இலட்சக்கணக்கான மக்கள் தமது உடைமைகளையும் வீடுகளையும் விட்டு 175 க்கு மேற்பட்ட அகதி முகாம்களில் தங்கியிருந்து பல் வேறு அவலங்களையும் அசௌகரியங்களையும் சந்தித்து கடந்த வாரமே தமது இல்லங்களுக்கு சென்று துப்புரவு செய்து மீள்குடியேறிய நிலையில் மீண்டும் மழைபெய்வதானது ஒருவிதமான அச்சத்தைத் தோற்றுவித்துள்ளது.

கடும் காற்று பலமாக வீசும் என வளிமண்டலத் திணைக்களம் அறிவித்துள்ளதால் அச்சமான நிலைமையே காணப்படுகின்றது.

பரவலாக காற்றுடனான மழை பெய்வதால் தண்ணீர் வற்றிய இடங்களில் எல்லாம் நீர்தேங்கி நிற்கின்றது. இந்நிலைமை காரணமாக மக்கள் பலத்த அசௌகரியங்களுக்கு ஆளாகியுள்ளனர்

கிழக்கில் வாவி மீன்களுக்கு நோய்

2011-01-30T10:24:00.001-08:00

இலங்கையின் கிழக்கு மாகாணத்தில் மட்டக்களப்பு வாவியில் மீன்களுக்கு ஏற்பட்டுள்ள ஒரு வகை நோய் காரணமாக மக்கள் மீன்களை மறுத்து வருவதால் தங்களின் வாழ்வாதாரம் பாதிக்கப்பட்டுள்ளதாக வாவி மீனவர்கள் கவலை வெளியிட்டுள்ளனர்.

அண்மையில் மட்டக்களப்பு மாவட்டத்தில் ஏற்பட்ட பெரு வெள்ளத்தின் போது வாவி நீர் தன்மையில் ஏற்பட்ட மாற்றமே இதற்கு காரணம் என மீனவர்கள் தெரிவிக்கின்றனர்.

தங்களால் பிடிக்கப்படும் மீன்களில் பொதுவாக பல இடங்களில் புண்கள் காணப்படுவதாகவும் இதுவே அந்நோய் என்றும் மீனவர்களினால் தெரிவிக்கப்படுகின்றது.

மீன்களில் காணப்படும் இந்நோய் ஒரு வகை பூஞ்சை அல்லது பேக்ட்ரீயாவினால் ஏற்படுவதாக கிழக்கு பல்கலைக்கழகத்தின் விலங்கியல் துறை தலைவர் கலாநிதி பெ.வினோபாபா கூறுகின்றார்.

நீரில் உவர் தன்மை குறைவடைதல் மற்றும் வெப்பநிலை குறைவடைதல் காரணமாக விலங்ககளுக்கு ஏற்படக் கூடிய நீர்பீடணத் தாக்கம் குறைவு இதற்கு காரணமாக இருக்கலாம் என்றும் அவர் சுட்டிக் காட்டுகின்றார்.

மீன்களுக்கு ஏற்பட்டுள்ள இந்நோய் காரணமாக வாவி மீன்பிடியை நம்பி வாழும் 12 ஆயிரம் குடும்பங்களின் வாழ்வாதாரம் பாதிக்கப்பட்டுள்ளதாக மாவட்ட மீன் பிடித் துறை உதவிப் பணிப்பாளர் எஸ்.ரி.ஜார்ஜ் கூறுகின்றார்.

வெள்ளத்தினால் பாதிக்கப்பட்டு வாழ்வாதாரங்களை இழந்துள்ள குடும்பங்களுக்கு வழங்கப்பட்டு வரும் நிவாரண உதவிகளே
இந்த மீனவர்களுக்கும் வழங்கப்படுவதாகவும் அவர் தெரிவிக்கின்றார்

450 வேட்பு மனுக்கள் நிராகரிப்பு தேர்தல் ஆணையாளர் அறிவிப்பு அம்பாறை மாவட்டத்திலேயே அதிக தொகை'

2011-01-29T09:41:00.000-08:00

உள்ளூராட்சித் தேர்தலுக்காக நேற்று முன்தினம் வியாழக்கிழமை தாக்கல் செய்யப்பட்ட நியமனப்பத்திரங்களில் 450 மனுக்கள் நிராகரிக்கப்பட்டிருப்பதாக தேர்தல் ஆணையாளர் தயானந்த திஸாநாயக்க கூறியுள்ளார்.

301 உள்ளூராட்சி அமைப்புகளுக்கு மார்ச் 17 இல் தேர்தல் இடம்பெறவுள்ளது. இச்சபைகளுக்கு 2047 நியமனப்பத்திரங்கள் தாக்கல் செய்யப்பட்டன. அவற்றில் 1597 நியமனப்பத்திரங்களே ஏற்றுக்கொள்ளப்பட்டுள்ளன. சம்பந்தப்பட்ட மாவட்டங்களின் மாவட்ட செயலாளர்களால் 1597 வேட்புமனுக்கள் மாத்திரமே ஏற்றுக்கொள்ளப்பட்டிருகின்றன.

அம்பாறை மாவட்டத்திலேயே அதிகளவிலான நியமனப்பத்திரங்கள் நிராகரிக்கப்பட்டுள்ளன. அம்பாறை மாவட்டத்தில் 164 நியமனப்பத்திரங்கள் தாக்கல் செய்யப்பட்டன. அவற்றில் 48 நிராகரிக்கப்பட்டுள்ளன. அதிலும் 43
வேட்புமனுக்கள் சுயேச்சைக்குழுக்களுடையவை ஆகும்

தாண்டியடியில் 22 வருடங்களாக இருந்து வந்த இராணுவத்தினரின் முகாம் மூடப்பட்டுள்ளது

2011-01-28T22:25:00.000-08:00

தாண்டியடிக் கிராமத்தில் 22 வருடங்களாக முகாமிட்டு இருந்து வந்த விசேட அதிரடிப்படையினர்
2011- 01- 25. முதல் வெளியேறிவிட்டார்கள்.
அம் முகாம் அமைந்திருந்த காணியினுள் இருந்த பாடசாலையினை அதிபரிடமும்,முகாம் அமைந்திருந்த 08 வீடுகளை கிராம உத்தியோகத்தரிடமும் விசேட அதிரடிப்படையினர் பாரமளித்தனர்.பின்பு அவ் வீடுகள் கிராம உத்தியோகத்தர் முலம் உரிய வீட்டு உரிமையாளர்களிடம் கையளிக்கப்பட்டது..
தாண்டியடி விக்னேஸ்வரா வித்தியாலயத்தின் ஒரு பகுதியில் 1990 ஆம் ஆண்டு அமைக்கப்பட்ட முகாம் ஆகும்
இப்படை முகாமினால் பாடசாலை மாணவர்கள் கற்றல் நடவடிக்கை போதிய இடவசதியின்றி பாதிக்க பட்டு இருந்தனர்

Mailed By - Mr.Parthipan -G.S

விசேட அதிரடி படையினர் முகாம்

கிராம உத்தியோகத்தர் - தாண்டியடி

விசேட அதிரடி படையினர் முகாம்

திருக்கோவில் கல்வி வலயத்தில் வெள்ளத்தால் முன்பள்ளிகள் பெரிதும் பாதிப்பு

2011-01-28T22:23:00.001-08:00

திருக்கோவில் கல்வி வலயத்தின் கீழுள்ள 73 முன்பள்ளிகள் வெள்ளஅனர்த்தத்தினால் பாதிக்கப்பட்டுள்ளதாக வலயக்கல்வி முன்பள்ளி பாதுகாப்பு அபிவிருத்தி இணைப்பாளர் எஸ். தர்மபாலன் தெரிவித்துள்ளார்.

அனர்த்தத்தினால் ஆலையடிவேம்பு,திருக்கோவில்,பொத்துவில் ஆகிய கோட்டக்கல்வி பணிமனையின்கீழ் உள்ள இவ் 73 முன்பள்ளிகளின் கற்றல்,கற்பித்தல் உபகரணங்கள் முற்றுமுழுதாக பாதிக்கப்பட்டுள்ளதுடன் பல முன்பள்ளிகளின் கட்டிடங்கள் முன்பள்ளிகளின் சூழலில்உள்ள விளையாட்டு உபகரணங்கள் போன்றவை மிகவும் மோசமாகப் பாதிக்கப்பட்டுள்ளதாக அவர் மேலும் தெரிவித்தார்.

முன்பள்ளிகளில் உள்ள குடிநீர் கிணறுகளிலிருந்து குடிநீருக்காக பாவிக்க முடியாதுள்ளதாகவும் அதேபோன்று மலசலகூடங்கள் நிரம்பியுள்ளதால் பாவிக்கமுடியாத நிலையும் ஏற்பட்டுள்ளது.முன்பள்ளி சிறுவர்களுக்கு கொதித்தாறிய நீரை வழங்குமாறு பெற்றோருக்கு அறிவுறுத்தல்வழங்கப்பட்டுள்ளதாக முன்பள்ளி இணைப்பாளர் எஸ். தர்மபாலன் தெரிவித்தார்

கிழக்கில் மீண்டும் ஆரம்பிக்கும் அடை மழை - பல பகுதிகள் மீண்டும் வெள்ளத்தில்

2011-01-28T22:01:00.000-08:00

மட்டக்களப்பு மாவட்டத்தில் மீண்டும்பெய்துவரும் அடை மழை காரணமாக மாவட்டத்தின் பல்வேறு இடங்களில் மீண்டும் வெள்ளப்பெருக்கு அபாயம் தோன்றியுள்ளதாக எச்சரிக்கப்பட்டுள்ளது.

கடந்த 9ஆம் திகதி முதல் பெய்துவரும் அடை மழை பெரும் வெள்ளமாக உருவெடுத்து கிழக்கு மாகாணத்தின் பல்வேறு பகுதியையும் சின்னாபின்னமாக்கி கோடிக்கணக்கான ரூபா சேதங்களை ஏற்படுத்திச்சென்றது.

இந்த நிலையில் கடந்த 20ஆம் திகதிமுதல் மாவட்டத்தில் மழை ஓய்ந்து வெள்ள நீர் வடிந்து மக்கள் இயல்பு வாழ்கைக்கு திரும்பிக்கொண்டிருக்கையில் மீண்டும் நேற்று முதல் பலத்த மழை மட்டக்களப்பு மாவட்டத்தில் பெய்துவருகின்றது.
இதன் காரணமாக மாவட்டத்தின் மிகப்பெரும் குளங்கள் மீண்டும் நிரம்பி வழியும் நிலைக்குச்சென்றுள்ளன.

தற்போது உன்னிச்சைக்குளம் நான்கு அடி திறந்துவிடப்பட்டுள்ளதாகவும் உருகாமம் குளம்எட்டு அடி நீர் திறந்துவிடப்பட்டுள்ளதாகவும் மாவட்ட நீர்பாசன திணைக்கள பொறியியலாளர் தெரிவித்தார்.

எனினும் இதன் காரணமாக பெரியளவில் வெள்ளப்பாதிப்புகள் இல்லையென தெரிவித்துள்ள அவர்எனினும் தொடர்ந்து மழை பெய்யுமானால் வெள்ளப்பெருக்கு ஏற்படலாம் எனவும் தெரிவித்தார்.

இதேவேளை தொடரும் மழை காரணமாக கிராண் பாலத்தின் மேலாக வெள்ளநீர் செல்வதால் தரவை பகுதிக்கான போக்குவரத்துக்கள் இன்று முதல் தடைப்பட்டுள்ளதாக தெரிவிக்கப்பட்டுள்ளது.

இதன்காரணமாக தரவைப்பகுதியில் உள்ள பல கிராமங்களைச்சேர்ந்த மக்கள் மட்டக்களப்பு நகருக்கு வரமுடியாத நிலையேற்றப்பட்டுள்ளது.

இதேபோன்று மண்டூர் – வெல்லாவெளி வீதியின் மேலாக வெள்ள நீர் பாய்ந்துசெல்வதால் மண்டூர் ஊடாக படுவான்கரைப்பகுதிக்கு செல்லும் பயணங்கள் தடைப்பட்டுள்ளன.

இலங்கை அகதி தீக்குளித்துத் தற்கொலை

2011-01-28T21:53:00.000-08:00

மதுரை: மதுரையில் இலங்கை அகதி ஒருவர் தீக்குளித்துத் தற்கொலை செய்து கொண்டார்.மதுரை கூடல்புதூர் அகதிகள் முகாமில் தங்கியிருந்த செல்வராஜ் (வயது 38) என்பவரே கடந்த 24 ஆம் திகதி தீக்குளித்தார். உயிருக்கு ஆபத்தான நிலையில் மதுரை அரச மருத்துவமனையில் அனுமதிக்கப்பட்டார். இந்நிலையில் சிகிச்சை பலனின்றி நேற்று அவர் உயிரிழந்தார்.குடும்பப் பிரச்சினையால் தீக்குளித்து தற்கொலை செய்து கொண்டதாகக் கூறப்படுகிறது. இது குறித்து கூடல்புதூர் பொலிஸார் வழக்குப் பதிவு செய்து விசாரணை நடத்தி வருகின்றனர்.

உடையில் தீப்பற்றியதில் சிறுமி மரணம்

2011-01-28T20:12:00.001-08:00

காவத்தை நிருபர் : உடையில் தீப்பற்றி எரிந்ததில் படுகாயமடைந்த 13 வயது சிறுமியொருவர் வைத்தியசாலையில் அனுமதித்த பின்னர் சிகிச்சை பலனின்றி உயிரிழந்துள்ளார்.

கொடக்காவெல பலவின்ன பகுதியில் நேற்று முன்தினம் புதன்கிழமை இடம்பெற்ற இந்தச் சம்பவத்தில் உயிரிழந்த சிறுமி பாடசாலை மாணவியாவார்.

இச்சம்பவம் தொடர்பாக கொடக்காவெல பொலிஸார் விசாரணைகளை மேற்கொண்டு வருகின்றனர்

அம்பாறையில் எட்டு கட்சிகளும் 156 சுயேச்சைக் குழுக்களும் களத்தில் 48 சுயேச்சைகளின் மனு நிராகரிப்பு

2011-01-28T20:08:00.000-08:00

அம்பாறை மாவட்டத்தில் 19 உள்ளூராட்சி சபைகளுக்கு எட்டு அரசியல் கட்சிகளும் 156 சுயேச்சைக் குழுக்களும் களத்தில் குதித்துள்ளன.

இங்கு மூன்று அரசியல் கட்சிகளின் வேட்பு மனுக்களும் 48 சுயேச்சைக் குழுக்களின் வேட்பு மனுக்களும் நிராகரிக்கப்பட்டன.

அம்பாறை நகர சபை, அக்கரைப்பற்று மாநகர சபை மற்றும் 17 பிரதேச சபைகளுக்கு இத்தேர்தல் நடைபெறவுள்ளது.

காரைதீவு, திருக்கோவில், ஆலையடிவேம்பு ஆகிய பிரதேசசபைகளில் ஈரோஸ் கட்சியின் வேட்பு மனுக்கள் நிராகரிக்கப்பட்டுள்ளன.

இதேபோல் சம்மாந்துறை பிரதேச சபைக்கான தமிழரசுக் கட்சியின் வேட்பு மனுவும் ஜனதாக் கட்சி பெரமுனயின் வேட்பு மனுவும் நிராகரிக்கப்பட்டன.

ஐக்கிய மக்கள் சுதந்திர முன்னணி, ஐக்கிய தேசியக் கட்சி, மக்கள் விடுதலை முன்னணி, ஸ்ரீலங்கா முஸ்லிம் காங்கிரஸ், தமிழரசுக் கட்சி, தேசிய காங்கிரஸ், ஈரோஸ், தமிழ் மக்கள் விடுதலைப் புலிகள் என்பன இங்கு போட்டியிடுகின்றன

ஆப்கானிஸ்தான் தலைநகர் காபூல் இல் தற்கொலைப்படை தாக்குதல் -video

2011-01-28T13:29:00.000-08:00

ஆப்கானிஸ்தான் தலைநகர் காபூல் மத்திய பகுதியில் உள்ள சூப்பர் மார்கெட்டில் குண்டுவெடித்ததில் 3 வெளிநாட்டு பெண்கள் உட்பட 7 பேர் பலியாகியானார்கள். இந்த தாக்குதலுக்கு தாலிபன் பயங்கரவாத அமைப்பு பொறுப்பேற்றுளளது. இந்த தாக்குதலில் ஒரு குழந்தையும் பலியாகியுள்ளது.இந்த தகவலை சர்வதேச செய்தி நிறுவனம் வெளியிட்டுள்ளது. காபூல் போலீஸ் செய்தி தொடர்பாளர் ஒருவர் உறுதி செய்துள்ளார். தற்கொலைப்படை தாக்கதல் நடந்த இடத்திற்கிடையே பல தூதரகங்கள் உள்ளதாகவும் அவர் தெரிவித்தார்

கிழக்கு பல்கலைக்கழகத்தில் முறுகல் நிலை

2011-01-25T10:29:00.001-08:00

மட்டக்களப்பில் அமைந்துள்ள கிழக்கு பல்கலைக்கழகத்தில் இன்று பதற்ற நிலை ஏற்பட்டது. தமது பரீட்சை முடிவுகள் உரியவேளையில் வெளியிடப்படாமையை ஆட்சேபித்து மாணவர்கள், விரிவுரையாளர்களை தடுத்து வைத்ததாக தெரிவிக்கப்பட்டுள்ளது. இதனையடுத்து முறுகல் நிலை ஏற்பட்டது.
இது தொடர்பில் பல்கலைக்கழக பதில் உபவேந்தர் கே பிரேம்குமார் கருத்து தெரிவிக்கையில்,

தமது கோரிக்கைகளை முன்வைத்து மாணவர்கள் விரிவுரையாளர்களையும் நிhவாகத்தினரையும் தடுத்து வைத்தமையால், நிலைமை மோசமடைந்ததாக தெரிவித்தார். எனினும் சுமுக நிலையை ஏற்படுத்த அவர்களுக்கு பேச்சு நடத்தப்பட்டது.

அதேநேரம் கலைப்பிரிவு பீடாதிபதியும் தமது பதவிவிலகல் கடிதத்தை சமர்ப்பித்துள்ளார்.

இந்தநிலையில் பொலிஸாரும் வரவழைக்கப்பட்டு நிலைமை சுமுகமாக்கப்பட்டது என்றும் பிரேம்குமார் குறிப்பிட்டுள்ளார்

வைத்திய பற்றாக்குறையை போக்க கிழக்கு வைத்தியசாலைகளுக்கு 33 வைத்தியர்கள் நியமனம்

2011-01-20T14:50:00.000-08:00

கிழக்கு மாகாணத்தில் உள்ள வைத்தியசாலைகளில் எதிர்நோக்கியுள்ள வைத்தியர் பற்றாக்குறையினை கருத்தில்கொண்டு 33 வைத்தியர்களை நியமிக்க சுகாதார அமைச்சர் மைத்திரிபால சிறிசேன உடன்பட்டுள்ளதாக கிழக்கு மாகாண சுகாதார அமைச்சர் எம்.எஸ்.சுபைர் தெரிவித்தார்.
இன்று வியாழக்கிழமை கொழும்பு சுகாதார அமைச்சில் சுகாதார அமைச்சர் மைத்திரிபால சிறிசேனவுக்கும் கிழக்கு மாகாண சுகாதார அமைச்சர் எம்.எஸ்.சுபைருக்கும் இடையில் இடம்பெற்ற சந்திப்பிலேயே சுகாதார அமைச்சர் இந்த உறுதிமொழியை வழங்கியுள்ளதாகவும் எம்.எஸ்.சுபைர் தெரிவித்தார்.

இதனடிப்படையில் மட்டக்களப்பு மாவட்டத்துக்கு 13 வைத்தியர்களும் அம்பாறை மாவட்டத்துக்கு 15வைத்தியர்களும்,திருகோணமலை மாவட்டத்துக்கு 05 வைத்தியர்களும் நியமிக்க சுகாதார அமைச்சர் மைத்திரிபால சிறிசேன ஒப்புதல் அளித்துள்ளார்.

இதன்படி மட்டக்களப்பு மாவட்டத்தி மிகவும் கஸ்டத்தினை எதிர்நோக்கியுள்ள திதிதென்ன, காங்கேயனோடை, வாழைச்சேனை, காயங்கேணி, காத்தான்குடி, மண்டபத்தடி, மகிழவட்டவான், நாவற்காடு, பாளையடிவட்டை, உன்னிச்சை, மாங்கேணி, கதிரவெளி, காவத்தமுனை ஆகிய வைத்தியசாலைகளுக்கும் அம்பாறை மாவட்டத்தில் நாவிதன்வெளி, சம்மாந்துறை, ஒலுவில், நிந்தவூர், சொறிக்கல்முனை, திருக்கோவில், பொத்துவில், கல்முனை அஸ்ரப் வைத்தியசாலை, கல்முனை வடக்கு வைத்தியசாலை, அம்பாறை தொகுதியில் உள்ள நான்கு வைத்தியசாலைகளுக்கு வைத்தியர்கள் நியமனம் செய்யப்பட்டுள்ளதுடன் திருகோணமலை மாவட்டத்தின் மூதூர், கும்புறுப்பிட்டி, மணல்சேனை, கட்டைப்பறிச்சான், ஈச்சிலம்பற்று ஆகிய பகுதி வைத்தியசாலைக்கும் வைத்தியர்கள் நியமனம் செய்யப்பட்டுள்ளதாக கிழக்கு மாகாண சுகாதார அமைச்சர் எம்.எஸ்.சுபைர் தெரிவித்தார்.

இவர்கள் பெப்ரவரி முதலாம் திகதியில் இருந்து தமது கடமைகளை பொறுப்பேற்பார்கள் எனவும் அமைச்சர் மேலும் தெரிவித்தார்

மட்டக்களப்பு மாவட்டத்தில் சகல பகுதிகளும் வெள்ளக்காடு; உதவியின்றி மக்கள் தவிப்பு

2011-01-13T12:43:00.000-08:00

மட்டக்களப்பு மாவட்டத்தில் தொடர்ந்து பெய்யும் மழையாலும் பல குளங்கள் திறக்கப்பட்டதாலும் அனைத்துப் பகுதிகளும் வெள்ளக்காடாகவே காட்சியளிக்கிறது. பாதிக்கப்படாதோர் இல்லையெனுமளவுக்கு நிலைமை மோசமடைந்துள்ளது.

தொடரும் மழையால் இதுவரை வெள்ளத்தில் மூழ்காமல் தப்பியுள்ள கிராமங்களும் சில தினங்களில் வெள்ளத்தால் பாதிக்கப்படும் அபாய நிலை ஏற்பட்டுள்ளது.

நேற்றுக்காலையில் சற்று ஓய்ந்திருந்த மழை பகல் வேளையானதும் மீண்டும்

அதிகரித்ததன் காரணமாக வெள்ள நிலை மிக மோசமடைந்துள்ளது. மாவட்டத்திலுள்ள வில்லுக்குளம் உடைப்பெடுத்துள்ளது. இதன் காரணமாக இதனை அண்டிய பல கிராமங்கள் நீரில் முற்றாக மூழ்கியுள்ளதுடன், அந்தப் பகுதி மக்கள் நிர்க்கதியான நிலைக்குத் தள்ளப்பட்டுள்ளனர்.

படுவான்கரைப் பாதை போக்குவரத்துக்கு முற்றாகத் துண்டிக்கப்பட்டுள்ளதுடன் வெள்ளத்தில் மூழ்கியுள்ளது. இதன் காரணமாக 14 கிராமங்களுடனான தொடர்புகளும் துண்டிக்கப்பட்டுள்ளன.

படுவான்கரையில் வவுணதீவு பிரதேசமே இம் மாவட்டத்தில் மிகவும் மோசமாகப் பாதிக்கப்பட்டுள்ளது. இப்பகுதி ஏனைய பகுதிகளுடனான தரை வழித் தொடர்பை இழந்துள்ளது.

இடம்பெயர்ந்த மக்களுக்கு சமைத்த உணவையே வழங்க முடிகிறது. ஆனால், ஏனைய உணவுப் பொருட்களை வழங்க முடியாதிருப்பதாக அதிகாரிகள் தெரிவிக்கின்றனர். எனினும் பாதிக்கப்பட்ட பலருக்கும் உதவிப் பொருட்கள் கிட்டாததால் அவர்கள் பெரிதும் பாதிக்கப்பட்டுள்ளனர்.

வர்த்தக நிலையங்கள் மூடப்பட்டுள்ளதாலும் போக்குவரவு செய்ய முடியாதிருப்பதாலும் உணவுப் பொருட்களை வாங்கிவர முடியாத நிலை ஏற்பட்டுள்ளது.

இதனால் சிறுவர்கள், பிள்ளைகள் முதியோர்களுக்கு பால்மா, பிஸ்கற் போன்றவற்றைப் பெற்றுக்கொள்ள முடியவில்லை. இதனால் இவர்கள் பட்டினி நிலையை எதிர்நோக்குகின்றனர்.

இதயநோய், நீரிழிவு நோய் போன்றவற்றுக்கு கிளினிக் சிகிச்சை பெற்றுள்ளவர்கள் தமக்குரிய மருந்துகளைப் பெற முடியாமல் கஷ்டப்படுகின்றனர்.

அதேபோல நிறைமாதக் கர்ப்பிணிகள், குழந்தைகளைப் பிரசவித்தவர்களும் பெரிதும் பாதிக்கப்பட்டுள்ளனர். குறிப்பாக சுகாதாரத் துணிகள் இன்றி கஷ்டப்படுகின்றனர்.

படுவான்கரை, வெல்லாவெளி, பட்டிப்பளை, வவுணதீவு, ஏறாவூர், செங்கலடி, கிரான் பிரதேசங்களில் உள்ளவர்களே பெரிதும் கஷ்டப்படுகின்றனர்.

இதேவேளை கன்னங்குடாவில் கடும் குளிர் வெள்ளத்தால் மரணமான கந்தக்குட்டி என்பவரின் சடலம் மட்டக்களப்பு ஆஸ்பத்திரியில் செவ்வாய்க்கிழமை ஒப்படைக்கப்பட்டது. இறந்தவர்களை அடக்கம் செய்யவும் முடியாத நிலையில் மக்கள் உள்ளனர்.

வெள்ளத்தால் அனைத்துப் பகுதிகளிலும் தரைப் போக்குவரத்து பாதிக்கப்பட்டதால் படகுகள் மூலம் செஞ்சிலுவைச் சங்கத்தினரும் பொலிஸாரும் முப்படையினரும் மக்களுக்கு போக்குவரவுக்கு உதவுகின்றனர். மீட்புப் பணிகளும் படகுகள் மூலமே நடைபெறுகின்றன.

பாராளுமன்ற உறுப்பினர் வி.யோகேஸ்வரனும் முடிந்தவரை மக்களுக்கு உதவிகளை வழங்கி வருகிறார்.

இதுவரை மூன்று இலட்சத்துக்கும் அதிகமானவர்கள் இடம்பெயர்ந்துள்ளதாக அதிகாரிகள் தெரிவித்துள்ளனர். ஐந்தரை இலட்சத்துக்கும் மேற்பட்டோர் பாதிக்கப்பட்டுள்ளனர்.

Pictures - http://www.facebook.com/battipeople
News - Thinakural

அகதி முகாமுக்குள் நள்ளிரவில் வெள்ளம் ஆலையடிவேம்பில் மீண்டும் இடம்பெயர்வு தீவுக்காலையில் 200 குடும்பங்கள் படையினரால் மீட்பு

2011-01-13T12:30:00.000-08:00

ஆலையடிவேம்பு பகுதியில் வெள்ள அகதிகள் தங்கியிருந்த முகாமினுள் செவ்வாய்க் கிழமை இரவு திடீரென வெள்ளம் புகுந்ததால் அந்த முகாமில் தங்கியிருந்த 150 அகதிகள் பல்வேறு சிரமங்களுடன் இடம்பெயர்ந்து வேறு இடங்களுக்குச் சென்றுள்ளனர்.

இங்குள்ள பலசேவைக் கட்டிடத்தில் இந்த மக்கள் கடந்த சில தினங்களாகத் தங்கியிருந்தனர்.

இதேவேளை கோளாவில்1, கோளாவில் 2, பனங்காடு, தீவுக்காலை, நாவற்காடு ஆகிய கிராமங்கள் செவ்வாய்க்கிழமை இரவு பெய்த மழையால் வெள்ளத்தில் மூழ்கியுள்ளன.

தீவுக்காளை கிராமம் முற்றாக வெள்ளத்தில் மூழ்கியதால் அங்கிருந்த 200 குடும்பங்களைச் சேர்ந்தவர்களை பொலிஸாரும் படையினரும் படகுகள் மூலம் மீட்டனர்.

இதேவேளை திருக்கோவில், தம்பிலுவில், விநாயகபுரம், பாலக்குடா போன்ற கிராமங்களும் வெள்ளத்தால் பாதிக்கப்பட்டுள்ளன.

சாகாமம் குளம் திறந்து விடப்பட்டதாலேயே இக்கிராமங்கள் வெள்ளத்தில் மூழ்கியுள்ளன. இந்த மக்கள் நலன்புரி நிலையங்களில் தங்க வைக்கப்பட்டுள்ளனர்.

இதேவேளை நாவிதன்வெளி பிரதேசத்துக்கும் வெளியிடங்களுக்குமான போக்குவரவு துண்டிக்கப்பட்டதால் அங்குள்ள 5 ஆயிரத்துக்கும் மேற்பட்ட குடும்பங்கள் பாதிக்கப்பட்டுள்ளனர்.

இவர்களுக்கு ஒருவார காலமாக ஒரு நேரச் சாப்பாடே வழங்கப்பட்டுள்ளதாக தெரிவிக்கப்படுகிறது.

திருக்கோவில் விநாயகபுரத்தில் 15 வயது மாணவன் காணாமல் போயுள்ளார்

2011-01-13T12:27:00.000-08:00

அம்பாறை, திருக்கோவில், வினாயகபுரத்தைச் சேர்ந்த 15 வயது பாடசாலை மாணவன் ஒருவர் கடந்த 2ம் திகதி மாலை முதல் காணாமல் போயுள்ளதாக உறவினர் திருக்கோவில் பொலிஸ் நிலையத்தில் முறைப்பாடு செய்துள்ளனர்.
தம்பிலுவில் மத்தியமகா வித்தியாலயத்தில் பயிலும் வினாயகபுரம் காயத்திரி கிராமத்தைச் சேர்ந்த மாணவன் கடந்த 2ம் திகதி மாரை 3.30 மணிக்கு பாடசாலையை துப்பரவு செய்ய என வீட்டைவிட்டு சென்றவர் வீடு திரும்பாததையடுத்து 4ம் திகதி பொலிஸ் நிலையத்தில் முறைப்பாடு செய்துள்ளதாக பொலிஸார் தெரிவித்தனர்.

இவ்வாறு காணமல் போன மாணவன் தொடர்பான தகவல் தெரிந்தோர் அருகிலுள்ள பொலிஸ் நிலையத்தில் தெரியப்படுத்துமாறு பொலிசார் தெரிவித்ததுடன் மேலதிக விசாரணைகளை திருக்கோவில் பொலிஸார் மேற்கொண்டு வருகின்றனர்

மட்டக்களப்பில் வெள்ளம் காரணமாக 5500 வீடுகள் சேதம்

2011-01-13T12:23:00.000-08:00

மட்டக்களப்பு மாவட்டத்தில் ஏற்பட்டுள்ள பெருவெள்ளம் காரணமாக 5500 வீடுகள் சேதமடைந்துள்ளன. இதில் 14 பிரதேச செயலகப் பிரிவுகளிலும் 1220 வீடுகள் முற்றாக சேதமடைந்துள்ளடன், 3452 வீடுகள் பகுதியளவில் சேதமடைந்துள்ளதாக மாவட்ட திட்டமிடல் பணிப்பாளர் இரா.நெடுஞ்செழியன் தெரிவித்தார். அதிகளவில் வாழைச்சேனை மத்திய செயலகப்பிரிவில் 512 வீடுகள் முற்றாக அழிந்துள்ளதுடன், 253 வீடுகள் பகுதியளவில் சேதமடைந்துள்ளன.

இதேசமயம் காலநிலையில் எந்த விதமான முன்னேற்றமும் இன்றி தொடர்ச்சியான மழை பெய்து வருவதுடன் மேலும் சில நாட்களுக்கு இதே காலநிலை நிலவும் எனவும் வாநிலை அவதான நிலையம் அறிவித்துள்ளது.

மட்டக்களப்பு மாவட்டத்தில் வருடாந்த மழைவீழ்ச்சியில் கடந்த 11 நாட்களில் மாத்திரம் 898.4 மில்லி மீட்டர் மழைவீழ்ச்சி பதிவாகியுள்ளதாக மட்டக்களப்பு வானிலை அவதான நிலையம் அறிவித்துள்ளது. மாவட்டத்தின் வருடாந்த மழைவீழ்ச்சி 1600 மில்லிமீட்டராகும்.

கிழக்கு மாகாணத்தில் தொடர்ந்து இன்றும் மழை பெய்துள்ள நிலையில் இழப்புக்கள் மேலும் அதிகரித்துள்ளதாக இலங்கை அனர்த்த முகாமைத்துவ நிலையம் குறிப்பிட்டுள்ளது. அத்துடன், தற்பொழுது பெய்துவரும் மழைகாரணமாக நாடுமுழுவதிலும் இதுவரையில் பத்து லட்சம் பேர் பாதிக்கப்பட்டுள்ளதாகவும் 18 பேர் பலியாகியுள்ளதாகவும், சுமார் 14 பேர் காணாமல் போயுள்ளதாகவும் அனர்த்த முகாமைத்துவ நிலையம் அறிவித்துள்ளது

கடலுக்குச் சென்ற மீனவர்கள் 10 பேரைக் காணவில்லை _

2011-01-13T12:21:00.000-08:00

அம்பாறை மாவட்டம் பொத்துவில் பிரதேசத்திலிருந்து செவ்வாய் இரவு கடலுக்குச் சென்ற மீனவர்கள் 10 பேர் நேற்று புதன்கிழமை நண்பகல் வரை கரை திரும்பவில்லை.

இவர்களைத் தேடும் பணிகள் ஆரம்பிக்கப்பட்டுள்ளதாக பொத்துவில் பிரதேச சபையின் முன்னாள் தவிசாளர் எம்.எஸ்.எம்ம் மர்சூக் தெரிவித்தார்.

செவ்வாய் இரவு கடலுக்குச் சென்ற மீனவர்கள், புதன் காலை கரை திரும்பியிருக்க வேண்டும்.

4 படகுகளில் சென்ற மீனவர்கள் கரை திரும்பாததினால் இவர்கள் காணாமல் போயிருக்கலாம என சந்தேகிக்கப்படுகின்றது.

இச்சம்பவம் குறித்து பொத்துவில் பொலிஸ் நிலையத்தில் முறையீடு செய்யப்பட்டுள்ளதுடன் தேடுதல் நடவடிக்கைகளுக்கு விசேட அதிரடிப்படை மற்றும் விமானப்படையினரின் ஒத்துழைப்பும் பெறப்பட்டுள்ளதாகவும் தெரிவிக்கப்படுகின்றது

சாகாமம் குளம் உடைப்பெடுக்கலாம் மக்களை கவனமாயிருக்குமாறு எச்சரிக்கை

2011-01-13T10:52:00.001-08:00

திருக்கோவில் சாகாமம் குளம் எந்தநேரத்திலும் உடைப்பெடுக்கும் நிலையிலுள்ளதாகவும் பொதுமக்களை மிகவும் எச்சரிக்கையாக இருக்குமாறும் திருக்கோவில் பிரதேச செயலர் ஒலிபெருக்கி மூலம் நேற்று புதன் கிழமை அறிவித்துள்ளார்.

இக்குளத்தின் வான் கதவுகள் திறக்கப்பட்டு தண்ணீர் வெளியேற்றப்பட்டு வருகின்ற போதிலும் பெய்யும் கடும் மழை மற்றும் வெள்ளத்தால் குளம் நிரம்பி வழிகிறது.

இதனையடுத்து இக்குளம் எந்த நேரத்திலும் உடைப்பெடுக்கும் அபாயமுள்ளதாக நீர்ப்பாசன அதிகாரிகள் தெரிவித்துள்ளனர்.

இக்குளம் உடைப்பெடுக்குமானால் திருக்கோவில் பிரதேசம் பெரிதும் பாதிக்கப்படும் எனவும் தெரிவிக்கப்படுகிறது.

பிரதேச செயலாளரின் இந்த அறிவிப்பையடுத்து மக்கள் வீடு வாசல்களை விட்டு வெளியேறி பாதுகாப்பான இடங்களுக்கு செல்லத் தொடங்கியுள்ளனர்.

இதேவேளை அம்பாறை மாவட்டத்தில் கடந்த மூன்று தினங்களில் மூவர் வெள்ளத்தில் சிக்கி மரணமடைந்துள்ளனர்.

மட்டக்களப்பு மாவட்டத்தில் 14 பேர் மழை வெள்ளம் காரணமாக உயிரிழந்துள்ளதும் குறிப்பிடத்தக்கது.

அம்பாறையில் பெய்யும் அடைமழையினால் பல பாடசாலைகள் மூடப்பட்டன

2011-01-10T12:15:00.000-08:00

மாவடிப்பள்ளி நிருபர் : தற்பொழுது அம்பாறை மாவட்டத்தில் பெய்து வரும் அடைமழையினால் சம்மாந்துறை வலயக் கல்வி அலுவலகப் பிரிவுக்குட்பட்ட நாவிதன்வெளி கோட்ட பாடசாலைகளில் கற்றல், கற்பித்தல் செயற்பாடுகளில் ஆசிரியர்களும் மாணவர்களும் ஈடுபட முடியõமையினால் நேற்று வியாழக்கிழமை இன்று வெள்ளிக்கிழமைகளில் பாடசாலைகளை மூடுவதற்கான அனுமதியினை சம்மாந்துறை வலயக் கல்விப் பணிப்பாளர் எழுத்து மூலம் அறிவித்துள்ளார்.

மூடப்படும் பாடசாலைகளின் விபரம் வருமாறு: சம்மாந்துறை வீரத்திடல் அல் ஹிதாயா மகா வித்தியாலயம், சாளம்பைக்கேணி, ச/து வேப்பையடி வாணி வித்தியாலயம் மத்திய முகாம், சாய்ந்தமருது றாணமடு இந்துமகா வித்தியாலயம் மத்திய முகாம், அஸ்சிறாஜ் மகாவித்தியாலயம் மத்திய முகாம், ச/து விவேகானந்தா மகா வித்தியாலயம் நாவிதன்வெளி, நாவிதன்வெளி அன்னமலை மகா வித்தியாலயம், விநாயகர் வித்தியாலயம் சவளக்கடை, கணேஷா வித்தியாலயம் சவளக்கடை ஆகிய எட்டு பாடசாலைகளும் மூடப்படவுள்ளதாக வலயக் கல்விப் பணிப்பாளர் எம்.கே.எம்.மன்சூர் தெரிவித்துள்ளார்.

பாடசாலை மூடப்படும் தினங்களுக்கான பதில் பாடசாலை வேறு தினங்களில் நடைபெறும் எனவும் இரு தினங்கள் மூடுவதற்காக எடுக்கப்பட்ட தீர்மானம் நிலைமை மேலும் மோசமடையும் சந்தர்ப்பத்தில் உயர்வடையும் எனவும் தெரிவித்தார்.

இவ்விடயம் தொடர்பாக கிழக்கு மாகாணக் கல்விப்பணிப்பாளருக்கு பிரதியிடப்பட்டிருப்பதாகவும் தெரிவித்தார்.

வெள்ளத்தில் மட்டக்களப்பு மாவட்டத்தின் 75 வீதமான பிரதேசம் தண்ணியில் 5இலட்சம் பேர் பாதிப்பு

2011-01-09T13:31:00.001-08:00

மட்டக்களப்பு மாவட்டத்தில் பெய்த கடும் மழைகாரணமாக ஏற்பட்ட பெரு வெள்ளத்தினால் மாவட்டத்தின் 75 வீதமான பிரதேசம் முழுமையாகப் பாதிக்கப்பட்டுள்ளது.

இதில் 5லட்சம் பேர்வரை பாதிக்கப்பட்டுள்ளனர். இடம்பெயர்ந்த 7927 குடும்பங்களைச் சேரந்த 31112 பேர் 103 முகாம்களில் தங்கவைக்கப்பட்டுள்ளனர்.

மாவட்டத்தின் 14 பிரதேச செயலாளர் பிரிவுளிலும் பெருமளவான மக்கள் பாதிக்கப்பட்டுள்ளதுடன் பெருந்தொகையான மக்கள இடம்பெயர்ந்து பொது இடங்களிலும் வீடுகளிலும் அமைக்கப்பட்டுள்ள முகாம்களில் தங்கியுள்ளனர். இவர்களுக்கான சமைத்த உணவுகளை வழங்கும் நடவடிக்கைகளில் கிராம சேவையாளர்களும் பொது அமைப்புகளும் செய்து வருகின்றன.

நேற்றுக்காலை முதல் இன்று காலை வரை 312 மில்லி மீட்டர் மழை வீழ்ச்சி பதிவாகியுள்ளதாகவும் மேலும் தொடர்ந்து சில தினங்களுக்கு மழை பெய்யக் கூடும் என்றும் வாநிலை அவதான நிலையம் அறிவித்தள்ளது.கடந்த காலத்தில் இலங்கையில் மிக கூடியளவு மழை வீழ்ச்சி இதுவெனவும் வானிலை அவதான நிலையம் தெரிவித்தது.

தொடர்ந்தும் மழை பெய்து வருவதனர்லும் வெள்ளம் வீதிகளினை மூடியுள்ளதாலும் பிரNதுச செயலாளர்கள் அதிகாரிகள் கூட சில பிரதேசங்களுக்குச் செல்ல முடியாத நிலை ஏற்பட்டதுடன் பல பிரதேசங்களிலிருந்து வெளியில் வர முடியாத நிலையும் ஏற்பட்டுள்ளது.

மட்டக்களப்பு மாவட்டத்தின் கிழக்குப்பிரதேசத்திலிருந்து அங்கு ஏற்பட்ட பாதிப்புக்கள் குறித்த தகவல்கள் கிடைத்த போதும் ஏனைய பகுதிகளிலிருந்து விபரங்கள் கிடைக்கப் பெறுவதில் சிக்கல் உள்ளதாக மாவட்ட செலகம் தெரிவித்தது.குறிப்பாக படுவான்கரையின் பல பகுதிகள் நீரில் மூழ்கியுள்ளதன் காரணமாக அப்பகுதியுடன் தொடர்புகள் துண்டிக்கப்பட்டுள்ள நிலையில் விபரங்களை பெற்றுக்கொள்வதில் பெரும் சிரமம் எதிர்நோக்கப்படுவதாக தெரிவிக்கப்பட்டுள்ளது.

வீதிகள் பிரதேசங்களில் உடைந்துள்ளதால் போக்குவரத்து பாதிக்கப்பட்டுள்ளது. உன்னிச்சைக் குளத்தின் 3 வான் கதவுகளும் திறந்துவிடப்பட்:டுள்ள போதும் அணைக்கட்டின் மேலாக 3 அடிக்கு மேல் நீர் பாய்வதாக பொறியியலாளர்கள் தெரிவித்தனர்.

அதேவேளை நவகிரி குளத்தின் கதவுகள் யாவும் திறந்து விடப்பட்டுள்ன. அப்பிரதேசத்துக்குச் செல்ல முடியாதளவுக்கு பிரதேசம் நீரால் மூடப்பட்டுள்ளதாகவும் பொறியியலாளர்கள் தெரிவித்தனர். அதே போன்று உறுகாமம் குளத்தின் நீர் மட்டமும் மேலதிகமாகியுள்ளது.

வீதிகளில் மட்டக்களப்பு- கல்முனை பிரதான நெடுஞ்சாலையில் குருக்கள்மடத்தில் அதிவேக நெடுஞ்சாலையில் உடைவு ஏற்பட்டதால் நேற்று பிற்பகல் வரை போக்குவரத்துத் தடைப்பட்டிருந்தது. பின்னர் அவ்வீதி தற்காலிகமாக வீதிப் போக்குவரத்துத் திணைக்களத்தினால் திருத்தப்பட்டது.

அதேவேளை படுவான்கரைக்கான பட்டிருப்பு வீதி ஓந்தாச்சிமடம் - மகிழுர் வீதி அம்பிளாந்துறை - குருக்கள் மடம் வீதி என்பன பாதிக்கப்பட்டுள்ளது.

அத்துடன் வவுணதீவு பிரதேச செயலகப்பிரிவுக்குட்பட்ட வலையறவு பாலம் நீரில் மூழ்கியுள்ளதனால் வவுணதீவு- மணல்பிட்டி வீதி ஆயித்தியமலை- கரடியனாறு வீதி வவுணதீவு- கரவெட்டி வீதி வவுணதீவு மணல்பிட்டிவீதி பன்சேனை பிரதேசங்களுக்கான வீதிகள் நீரில் மூழ்கியுள்ளதனால் போக்குவரத்து முற்றாகப் பாதிக்கப்பட்டுள்ளது. முக்கியமாக படுவான்கரை பிரதேசத்துக்கான அனைத்து பாதைகளும் தடைப்பட்டுள்ளன.

இதே வேளை வாழைச்சேனைப்பிரதேச செயலகப்பிரிவக்குட்பட்ட மயிலங்கரச்சி நாசிவந்தீவு வீதி நீரில் மூழ்கியுள்ளதனால் அக்கிராமத்துக்கான போக்குவரத்து முற்றாகப் பாதிகக்ப்பட்டுள்ளதுடன் கிராம மக்கள் இன்று பகல் வரை உணவுகள் எதுவும் வினியோகிக்கப்படாத நிலையில் இருந்தனர்.

மதுறு ஓயா குளம் திந்து விடப்பட்டுள்ளதனால் கிரான் பிரதேச செயலகப்பிரிவில் கிரான் உட்பட பல பிரதேசங்களில் பெருந்தொகையான மக்கள் இடம்பெயர்ந்தனர். அவர்கள் பாடசாலைகளில் தங்கவைக்கப்பட:டுள்ளனர். அதே வேளை கிரான் பாலம் ஊடாக நீர் அதிகளவில் பாய்வதால் அவ்வீதியு}டான போக்குவரத்தும் முற்றாகப் பாதிகக்பட்டுள்ளதுடன் பிரதேசத்தின் மக்களும் பாதிக்கப்பட்டுள்ளனர்.

வாகரைப்பிரதேசத்தின் தோணிதாட்டமடு கிரிமிச்சை மதுரங்கேணிக்குளம் பனிச்சங்கேணி உள்ளிட்ட பகுதிகளுடன் பெரும்பாலான பகுதிகள் நீதில் மூழ்கியுள்ளதுடன் போக்குவரத்துக்களும் துண்டிக்கப்பட:டுள்ளன. அதனால் பனிச்சங்கேணி ஆற்றின் ஊடாக போக்குவரத்தக்கு இயந்திரப்படகுகள் பயன்படுத்தப்படுகின்றன.

தொப்பிக்கல ஈரளக்குளம் முறத்தானை சித்தாண்டி சந்திவெளி களுவனகேணி பிரம்படித்தீவு பொண்டுகள்சேனை முறாவொடை வாழைச்சேனை கல்மடு கல்குடா கும்புறுமூலை வெம்பு சுங்காங்கேணி கிண்ணையடி உள்ளிட்ட பிரதேசங்கள் முழுதாக நீரில் மூழ்கியுள்ளன.

பிரதேசங்களில் பாதிக்கப்பட்டு முகாம்களில் தங்கியுள்ள மக்கள் அனைவருக்கும் சமைத்த உணவுகள் வழங்குவதற்கு நடவடிக்கைகள் எடுக்கப்பட:டுள்ளதாக மாவட்ட செயலகத்தில் நடைபெற்ற அனர்த்த நிவாரண அவசரக் கூட்டத்தில் முடிவு செய்யப்பட்டதுடன். பிரதேச செயலாளர்களுக்கும் பணிப்புரைகளும் விடுக்கப்பட்டுள்ளன.

சமைத்த உணவு வழங்குவதில் முகாம்களில் மக்கள் தங்கியுள்ள இடங்களனில் சமைப்பதற்குக் கூட இடம் இல்லாத நிலையினால் வேறு இடங்களில் உணவுகள் சமைக்கப்பட்டு வருகின்றன.

அரசாங்க அதிபரின் பணிப்புரையின் கீழ் மிக விரைவாக சமைக்கக் கூடிய உணவுகள் வழங்குவதற்கான நடவடிக்கைகள் இதனால் மேற்கொள்ளப்பட்டுள்ளதாக மேலதி அரசாங்க அதிபர் கே.விமலநாதன் nதிவித்தார்.

ஒரு காராமத்iதைச் சென்று பார்த்து மறுகிராமத்தக்குக் செல்லமுடியாதளவுக்கு நீரில் மூழ்கியுள்ள சில கிராமங்கள் உள்ளதாகவும் அவற்றிலிருந்து மக்களை வெளியேற்றுவதற்கு நடவடிக்கைகள் மேற்கொள்ளப்பட்டதாகவும் மேலதிக அரசாங்க அதிபர் தெரிவித்தார்.

களுவாஞ்சிகுடி கொக்கட்டிச்சோலை வந்தாறுமூலை சித்தாணடி செங்கலடி ஐயங்கேணி முறக்கொட்டாஞ்சேனை பலாச்சோலை உள்ளிட்ட பிரNதுசங்களில் அதிகமான தமக்கள் இடம்பெயர்ந்துள்ளனர்.

வெள்ளம் ஏற்பட்டுள்ள பகுதிகளில் அதிகமான மக்கள் இடம்பெயர்ந்துள்ளதனால் அப்பிரதேசங்களில் குடிநீர்த்தட்டுப்பாடு ஏற்படும் எனவே குடிநீர்வினியோகம் செய்வதற்கும் நடவடிக்கை மேற்கொள்ளுமாறு உத்தரவிடப்பட்டுள்ளதுடன் நோய் பரவம் அபாயம் உள்ளதனால் நோய்த்தடுப:பு முன்னெச்சரிக்கை வேலைகளில் ஈடுபடுமாறும் அதிகாரிகளுக்கு உத்தரவிடப்பட்டது.

இன்று மாலை மாவட்ட செயலகத்தில் நடைபெற்ற அனர்த்த நிவாரண அவசரக் கூட்டத்தில் பிரதி அமைச்சர்களான வி.முரளிதரன் ஹிஸ்புல்லா கிழக்கு மாகாண முதலமைச்சர் சி.சந்திரசகாந்தன். ஆகியோர் கலந்து கொண்டனர். அத்துடன் பாராளுமன்ற உறுப்பினர்களான பொன் செல்வராசா யோகேஸ்வரன் ஆகியோருடன் மாகாண சபை உறுப்பினர் எட்வின் கிருஸ்ணானந்தராசா ஆகியோரும் கலந்து கொண்டனர்.

மட்டக்களப்பு நகரின் பல பகுதிகளும் நேற்றைய வெள்ளத்தில் மூழ்கியிருந்தன. அதனால் போக்குவரத்துக்கள் பாதிக்கப்பட்டதுடன் வர்த்க நிலையங்களும் மூடப்பட்டு இருந்தன.

நேற்று ஏற்பட்ட பெரு வெள்ளம் காரணமாக மாவட்டத்தின் அனைத்துப் பகுதிகளும் ஸ்தம்பிதமடைந்திருந்தமை குறிப்பிடத்தக்கது

கிழக்கில் தொடர்ந்து மழை பல பிரதேசங்கள் வெள்ளத்தில் மூழ்கியுள்ளன

2011-01-08T20:48:00.001-08:00

கிழக்கில் நேற்று மாலை தொடக்கம் பெய்துவரும் கடும் மழையினால் பல பிரதேசங்கள் வெள்ளத்தில் மூழ்கியுள்ளன. மூன்று அடிக்கும் மேல் வெள்ளம் தேங்கியிருப்பதனால் பல பாதைகளின் போக்குவரத்தும் துண்டிக்கப்பட்டிருக்கின்றன. இதனால் பல ஆயிரம் மக்கள் நேரடியாக பாதிப்புக்குள்ளாகியிருக்கின்றனர்.

வேற்றுச்சேனை, ஆனைகட்டியவழி, நாதனவெளி, ராணமடு போன்ற பிரதேசங்களின் மக்கள் நேரடியாக பாதிப்புக்குள்ளாகியிருப்பதாக பிரதேச செயலாளர் உதயசிறிதர் தெரிவிக்கிறார்.

பலத்த காற்றுடன் பெருமழை பெய்துவருவதால் வெள்ளாவளிக்குளம், கோவில்போரதீவு குளம், பழுகாமமம்குளம், தும்பங்கேணி குளம் கடுக்காமுனை வில்லுக்குளம் ஆகிய குளங்களின் நீர்மட்டம் உயர்ந்து வெள்ளப்பெருக்கும் ஏற்பட்டிருக்கிறது. மினிசூறாவளி போன்ற பலத்த காற்றும் வீசி வருவதால் மீட்பு பணிகளிலும் பாரிய பின்னடைவு ஏற்பட்டிருப்பதாகவும் பிரதேச செயலர் மேலும் தெரிவிக்கிறார். இருந்தபோதிலும் அவரது தலைமையில் பாதிக்கப்பட்ட மக்களுக்கு சமைத்த உணவுகளை வழங்கும் நடவடிக்கையும் மீட்பு பணிகளும் நடைபெற்று வருகின்றன.

இதேவேளை மினிசூறாவளி போன்ற பலத்த காற்றுடன் மழை தொடர்ந்து பெய்துவருவதால் சில குளங்கள் உடைப்பெடுக்கும் அபாயம் ஏற்பட்டிப்பதாகவும், குளங்களை அண்டிய மக்கள் பாதுகாப்பாக இருக்குமாறும் அறிவுறுத்தப்பட்டிருக்கின்றனர்

Tamil student reported missing in Ampaarai

2011-01-08T13:32:00.000-08:00

Jeyaseelan Jegan, 15, a student at the Thambiluvil Madhya Maha Vidiyalayam and residing in Kayathiri village in Vinyagapiram division with his parents, has been reported missing since January 2, according to complaints lodged with the Thirukoil Police in Ampaarai district by his relatives.

Jegan left for school on January 2 around 3.30 p.m. for cleaning the school class room in preparation to the new academic year that was scheduled to begin January 3. But he failed to return home thereafter.

Jegan's relatives had made a complaint to the police on January 4. Thirukoil Police has been conducting inquiry into the complaint.

அம்பாறை மாவட்டத்தில் கடும்மழை 15 ஆயிரம் குடும்பங்கள் வரை பாதிப்பு

2011-01-06T18:38:00.000-08:00

அம்பாறை மாவட்டத்தில் கடந்த சில தினங்களாக பெய்துவரும் கடும்மழை காரணமாக கரையோர மாவட்ட தாழ்ந்த பிரதேசங்கள் வெள்ளத்தில் மூழ்கியுள்ளதுடன் 15 ஆயிரம் குடும்பங்கள் வரையும் பாதிக்கப்பட்டுள்ளன.

இவ்வெள்ளம் காரணமாக கல்முனை பிரதேசத்தில் 5500 குடும்பங்களும் சாய்ந்தமருதில் 4850 குடும்பங்களும் காரைதீவில் 600 குடும்பங்களும் சம்மாந்துறையில் 1350 குடும்பங்களும் ஏனைய பகுதிகளில் மூவாயிரத்துக்கு மேற்பட்டோரும் வெள்ளநீர் வீடுகளுக்குள் புகுந்துள்ளதால் பாதிக்கப்பட்டுள்ளனர்.

இதேவேளை,கல்முனை நாவிதன்வெளி போக்குவரத்துப் பாதையான கிட்டங்கி பாலம் வெள்ளம் காரணமாக உடைப்பெடுத்துள்ளதுடன், போக்குவரத்தும் பாதிக்கப்பட்டுள்ளது. இக்கிட்டங்கி பால நிர்மாண வேலைகளும் இடைநடுவில் கைவிடப்பட்டுள்ளன.

அத்துடன், துறைநீலாவணை திரவந்தியமேடு கிராமத்திற்கான போக்குவரத்தும் வெள்ளம் காரணமாகத் துண்டிக்கப்பட்டுள்ளது.

தொடர்ந்து அம்பாறை மாவட்டத்தில் கடும் மழை பெய்து வருவதுடன், காலநிலை மாற்றம் காரணமாகக் கடலும் கொந்தளிப்பாயுள்ளது. மீனவர்கள் கடலுக்குச் செல்வதைத் தவிர்த்து வருகின்றனர். இதனால் இப்பிரதேசத்தில் மீனுக்குத் தட்டுப்பாடும் நிலவுகின்றது.

அம்பாறை மாவட்டத்தில் அட்டாளைச்சேனை,அக்கரைப்பற்று,ஆலையடிவேம்பு, நிந்தவூர்,நாவிதன்வெளி, சம்மாந்துறை,காரைதீவு,கல்முனை, பாண்டிருப்பு ஆகிய இடங்கள் மிக மோசமாகப் பாதிக்கப்பட்டுள்ளன.

நகரப்பகுதிகள் மக்கள் நடமாட்டமின்றிக் காணப்படுவதுடன், உள்ளூர் பஸ் சேவைகளும் தடைப்பட்டுள்ளன

மட்டக்களப்பு, அம்பாறையில் திங்களிரவு முதல் கடும் மழை பாதிக்கப்பட்ட பகுதிகள் மீண்டும் வெள்ளத்தில் மூழ்கின மக்கள் பெரிதும் பாதிப்பு

2011-01-06T18:35:00.001-08:00

. : மட்டக்களப்பு மற்றும் அம்பாறை மாவட்டங்களில் கடந்த ஓரிரு தினங்களாக ஓய்ந்திருந்த கடும் மழை மீண்டும் நேற்று முன்தினம் திங்கட்கிழமை இரவு முதல் பெய்து வருவதால் இரு மாவட்டங்களதும் பல பகுதிகள் மீண்டும் வெள்ளத்தில் மூழ்கி வருவதுடன் இயல்பு நிலையும் பெரிதும் பாதிக்கப்பட்டுள்ளது.

கடந்த பத்து நாட்களுக்கும் மேலாக ஓரிரு நாள் இடைவெளியில் அடை மழை தொடர்வதால் இரு மாவட்டங்களிலும் பல்லாயிரக்கணக்கானோர் பாதிக்கப்பட்டுள்ளனர்.

ஏற்கனவே பெய்த அடை மழையால் இரு மாவட்டங்களிலும் பாரிய வெள்ளப் பெருக்கேற்பட்ட நிலையில் தற்போது பெய்து வரும் கடும் மழையால் பெரும்பாலான பகுதிகள் வெள்ளத்தில் மூழ்கி போக்குவரத்துகளும் பாதிக்கப்பட்டு இயல்பு நிலையும் பாதிக்கப்பட்டுள்ளது.

இந்நிலையில் நேற்று முன்தினம் முதல் பெய்துவரும் கடும் மழையால் 14 பிரதேச செயலாளர்கள் பிரிவுகளும் மீண்டும் முழுமையாகப் பாதிப்புக்குள்ளாகியுள்ளன.

இதனால் மக்கள் மீண்டும் முகாம்களை நாட வேண்டிய துர்ப்பாக்கிய நிலை ஏற்பட்டுள்ளதாக மாவட்ட மக்கள் தெரிவிக்கின்றனர்.

தொடர்ந்தும் மழை பெய்யக்கூடிய சாத்தியக்கூறுகளே காணப்படுவதாக வானிலை அவதானநிலையம் தெரிவித்துள்ளதால் மாவட்ட மக்கள் பல்வேறு அசௌகரியங்களையும் அவலங்களையும் எதிர்நோக்குகின்றனர்.

அம்பாறை மாவட்டத்தில் கடந்த சில நாட்களாகப் பெய்துவரும் மழையால் ஏற்பட்ட வெள்ளத்தினால் பாதிக்கப்பட்ட மக்களில் இதுவரை எவ்வித நிவாரணங்களும் அரசாங்கத்தினால் வழங்கப்படவில்லையென பாதிக்கப்பட்டுள்ள மக்கள் விசனம் தெரிவிக்கின்றனர்.

இது குறித்து இப்பிரதேச அமைச்சர்கள் மற்றும் அரசியல்வாதிகள் தலையிட்டு நிவாரணத்தை உடனடியாகப் பெற்றுக்கொடுக்க நடவடிக்கை எடுக்க வேண்டுமெனவும் வேண்டுகோள் விடுத்துள்ளனர்.

கிழக்கு மாகாணத்தில் தொடர்ந்து பெய்துவரும் கடும் மழையினால் தொற்றுநோய் ஏற்படும் ஆபத்து ஏற்பட்டுள்ளதாகக் கிழக்கு மாகாண சுகாதாரத்துறையினர் எச்சரித்துள்ளனர்.

இதனால் கொதித்தாறிய நீரைக் குடிப்பதற்கு பயன்படுத்துமாறும் முடியுமானவரை வீட்டிலேயே சமைத்து உண்ணுமாறும் வேண்டுகோள் விடுத்துள்ளனர்.

பல்வேறுபட்ட காரணிகள் தொற்று நோய்களுக்குக் காரணமாக உள்ளதாகவும் இதில் குடிநீரும் உணவுவகைகளும் பாரிய தாக்கங்களை ஏற்படுத்துவதாகவும் குறிப்பிட்டுள்ள சுகாதாரத்துறையினர் வெள்ளத்தினால் இடம்பெயர்ந்து தற்காலிக முகாம்களில் வாழும் பொதுமக்கள் இது தொடர்பாக மிகவும் அவதானத்துடன் இருக்குமாறும் அறிவுறுத்தியுள்ளனர்

மட்டு., அம்பாறையில் மீண்டும் திங்கள் இரவு முதல் கடும் மழை

2011-01-04T18:17:00.001-08:00

மட்டக்களப்பு மற்றும் அம்பாறை மாவட்டங்களில் கடந்த ஓரிரு தினங்களாக ஓய்ந்திருந்த கடும் மழை மீண்டும் நேற்று முன்தினம் திங்கட்கிழமை இரவு முதல் பெய்து வருவதால் இரு மாவட்டங்களதும் பல பகுதிகள் மீண்டும் வெள்ளத்தில் மூழ்கி வருவதுடன் இயல்பு நிலையும் பெரிதும் பாதிக்கப்பட்டுள்ளது. கடந்த பத்து நாட்களுக்கும் மேலாக ஓரிரு நாள் இடைவெளியில் அடை மழை தொடர்வதால் இரு மாவட்டங்களிலும் பல்லாயிரக்கணக்கானோர் பாதிக்கப்பட்டுள்ளனர்.

மட்டக்களப்பில் ஆயிரக்கணக்கானோர் இடம்பெயர்ந்து முகாம்களில் தங்கியிருந்து மழை சற்று ஓய்ந்து வெள்ளம் வடியத் தொடங்கியதால் இருப்பிடங்களுக்கு திரும்பத் தொடங்கிய நிலையில் மீண்டும் கடும் மழை பெய்து வருவதால் முகாம்களுக்கு மீண்டும் திரும்ப வேண்டிய நிலைமையேற்பட்டுள்ளது.ஏற்கனவே பெய்த அடை மழையால் இரு மாவட்டங்களிலும் பாரிய வெள்ளப் பெருக்கேற்பட்ட நிலையில் தற்போது பெய்து வரும் கடும் மழையால் பெரும்பாலான பகுதிகள் வெள்ளத்தில் மூழ்கி போக்குவரத்துகளும் பாதிக்கப்பட்டு இயல்பு நிலையும் பாதிக்கப்பட்டுள்ளது.

மட்டக்களப்பு மாவட்டத்தில் பெய்த பெருமழை காரணமாக ஏற்கனவே 3 இலட்சத்திற்கும் மேற்பட்டோர் பாதிக்கப்பட்ட நிலையில் கடந்த 3 ஆம் திகதி முதல் 60 க்கும் மேற்பட்ட முகாம்களிலிருந்து மக்கள் தமது இருப்பிடங்களுக்குச் சென்றனர். 70 வீதமானவர் திரும்பி தத்தமது வீடுகளுக்குச் சென்றதால் 60 ஆக இருந்த முகாம்கள் 10 ஆகக் குறைந்ததுஇந்நிலையில் நேற்று முன்தினம் முதல் பெய்துவரும் கடும் மழையால் 14 பிரதேச செயலாளர்கள் பிரிவுகளும் மீண்டும் முழுமையாகப் பாதிப்புக்குள்ளாகியுள்ளன.

இதனால் மக்கள் மீண்டும் முகாம்களை நாட வேண்டிய துர்ப்பாக்கிய நிலை ஏற்பட்டுள்ளதாக மாவட்ட மக்கள் தெரிவிக்கின்றனர்.தொடர்ந்தும் மழை பெய்யக்கூடிய சாத்தியக்கூறுகளே காணப்படுவதாக வானிலை அவதானநிலையம் தெரிவித்துள்ளதால் மாவட்ட மக்கள் பல்வேறு அசௌகரியங்களையும் அவலங்களையும் எதிர்நோக்குகின்றனர்.அம்பாறை மாவட்டத்தில் கடந்த சில நாட்களாகப் பெய்துவரும் மழையால் ஏற்பட்ட வெள்ளத்தினால் பாதிக்கப்பட்ட மக்களில் இதுவரை எவ்வித நிவாரணங்களும் அரசாங்கத்தினால் வழங்கப்படவில்லையென பாதிக்கப்பட்டுள்ள மக்கள் விசனம் தெரிவிக்கின்றனர்.

இம்மாவட்டத்தின் கரையோரப் பிரதேசங்களில் வெள்ளத்தினால் ஏற்பட்டுள்ள பாதிப்புக்களை கடந்த சில தினங்களுக்கு முன்னர் அம்பாறை மாவட்ட அரசாங்க அதிபர் சுனில் கன்னங்கர பார்வையிட்டுச் சென்று பல நாட்கள் கடந்து விட்ட நிலையிலும் எந்தவிதமான நிவாரணமும் தமக்கு வழங்கப்படாமை குறித்து பாதிக்கப்பட்டோர் விசனம் தெரிவித்துள்ளனர்.இது குறித்து இப்பிரதேச அமைச்சர்கள் மற்றும் அரசியல்வாதிகள் தலையிட்டு நிவாரணத்தை உடனடியாகப் பெற்றுக்கொடுக்க நடவடிக்கை எடுக்க வேண்டுமெனவும் வேண்டுகோள் விடுத்துள்ளனர்.கிழக்கு மாகாணத்தில் தொடர்ந்து பெய்துவரும் கடும் மழையினால் தொற்றுநோய் ஏற்படும் ஆபத்து ஏற்பட்டுள்ளதாகக் கிழக்கு மாகாண சுகாதாரத்துறையினர் எச்சரித்துள்ளனர்.

இதனால் கொதித்தாறிய நீரைக் குடிப்பதற்கு பயன்படுத்துமாறும் முடியுமானவரை வீட்டிலேயே சமைத்து உண்ணுமாறும் வேண்டுகோள் விடுத்துள்ளனர்.பல்வேறுபட்ட காரணிகள் தொற்று நோய்களுக்குக் காரணமாக உள்ளதாகவும் இதில் குடிநீரும் உணவுவகைகளும் பாரிய தாக்கங்களை ஏற்படுத்துவதாகவும் குறிப்பிட்டுள்ள சுகாதாரத்துறையினர் வெள்ளத்தினால் இடம்பெயர்ந்து தற்காலிக முகாம்களில் வாழும் பொதுமக்கள் இது தொடர்பாக மிகவும் அவதானத்துடன் இருக்குமாறும் அறிவுறுத்தியுள்ளனர்.

50 பாடசாலைகள் வெள்ளத்தில்; பலவற்றை மூடும் நிர்ப்பந்தம்

மட்டக்களப்பு,அம்பாறை மாவட்டத்தில் தற்போது ஏற்பட்டுள்ள வெள்ள அனர்த்தம் காரணமாக பல பாடசாலைகள் மூடப்பட்டுள்ளதாகவும் 50 க்கும் மேற்பட்ட பாடசாலைகள் வெள்ளத்தில் மூழ்கியுள்ளதாகவும் வலயக் கல்விப் பணிப்பாளர்கள் தெரிவித்துள்ளனர். மட்டக்களப்பு மத்தி கல்வி வலயத்தில் ஏறாவூர் ×கம வித்தியாலயம் மற்றும் ஓட்டமாவடி,வாழைச்சேனைப் பிரதேசங்களில் அந்நூர் மகா வித்தியாலயம், ஆயிஷா பாலிகா பிறைந்துறைச்சேனை அல் அஸ்ஹர், ஸாதுலியயா ஆகிய பாடசாலைகள் மூடப்பட்டுள்ளதாக வலயக் கல்விப் பணிப்பாளர் யு.எல்.எம்.ஜெயினுதீன் தெரிவித்தார்.

ஏறாவூர்ஐயங்கேணி அப்துல் காதர், ஹிஸ்புல்லா, அமீர் அலி, ஸாஹிர் மௌலானா, றகுமானியா மகா வித்தியாலயம் ஆகிய பாடசாலைகள் வெள்ளத்தினால் சூழப்பட்டுள்ளதாக பாடசாலைகளின் அதிபர்கள் அறிவித்துள்ளனர்.கல்குடா கல்வி வலயத்தில் பூலாக்காடு, பொண்டுகல் சேனை, புலிபாய்ந்தகல், வடமுனை, வீரநகர், குடும்பிமலை, முறுத்தானை, தரவை, மதுரங் கேணிக்குளம் ஆகிய பாடசாலைகள் வெள்ளத்தினால் சூழப்பட்டுள்ளதாக வலயக் கல்விப் பணிப்பாளர் திருமதி சுபா சக்கரவர்த்தி தெரிவித்தார்.

வவுணதீவுமட்டக்களப்பு மேற்கு வலயத்தில் காஞ்சிரங்குடா, கொத்தியாபுல, மாவளியாறு, பன்சேனை, நரிப்புல் தோட்டம், கரவெட்டியாறு, மாவடிமுன்மார் ஆகிய பிரதேச பாடசாலைகள் வெள்ளத்தில் மூழ்கியுள்ளன. இதனால் மாணவர்களது வரவு மிகவும் குறைவாகக் காணப்படுவதாக வலயக் கல்விப் பணிப்பாளர் கே.பாஸ்கரன் தெரிவித்துள்ளார்.

இதேநேரம், அம்பாறையில் தொடர்ச்சியாகப் பெய்துவரும் அடை மழைகாரணமாக மருதமுனை அல்ஹம்றா வித்தியாலயம் நீரில் மூழ்கியுள்ளது.இதன் காரணமாகப் பாடசாலை நடைபெறவில்லை. வகுப்பறைகள் நீரில் மூழ்கியுள்ளன. அதிபர் அறையில் மூன்று அடிக்கு மேல் வெள்ள நீர் நிறைந்துள்ளது.670 மாணவர்களுடன் குறைந்த வளங்களோடு காணப்படும் இப்பாடசாலை வருடாவருடம் மழை காலங்களில் இவ்வாறு நீரில் மூழ்குவது தொடர் கதையாகவே உள்ளது. மாணவர்கள் நிம்மதியாகக் கற்கமுடியாத நிலையும் ஆசிரியர்கள் ஒழுங்காகக் கற்பிக்க முடியாத சூழலும் காணப்படுகிறது.

திங்கட்கிழமை பாடசாலை ஆரம்பிக்கப்பட்ட போதிலும் தற்போதைய மழை வெள்ளம் காரணமாக இப்பாடசாலை மாணவர்களுக்கான கல்வி பாதிப்படைந்துள்ளது.மேலும் கல்முனைக் கல்வி வலயத்திலுள்ள சண்முகா மகா வித்தியாலயம், கண்ணகி இந்து வித்தியாலயம், காரைதீவு,கல்முனை ஸாஹிரா கல்லூரி, அஸ்ஸீகரா வித்தியாலயம் ஆகிய பாடசாலைகள் வெள்ளத்தில் மூழ்கியுள்ளதால் தற்காலிகமாக மூடப்பட்டுள்ளதாக கல்முனைக் கல்வி வலயப் பிரதிக்கல்விப் பணிப்பாளர் எம்.எஸ்.அப்துல் ஜெலீல் தெரிவித்தார்.

பாடசாலைகளை மூடும் அதிகாரம் பணிப்பாளர்களுக்கு

மட்டக்களப்பு அம்பாறை மாவட்டங்களில் மீண்டும் கடும் மழையால் வெள்ள நிலைமை மிக மோசமாகக் காணப்படுவதால் வெள்ளத்தால் பாதிக்கப்பட்ட பிரதேசங்களிலுள்ள பாடசாலைகளை மூடும் அதிகாரத்தை சம்பந்தப்பட்ட கல்வி வலயபணிப்பாளர்களுக்கு வழங்கியுள்ளதாக கிழக்கு மாகாண கல்விப்பணிப்பாளர் எம்.ரி.எம்.நிஷாம் தெரிவித்துள்ளார்.

மட்டக்களப்பு அம்பாறை மாவட்டத்திலிலுள்ள பாடசாலைகளே வெள்ளத்தினால் பெரிதும் பாதிக்கப்பட்டுள்ளதாக தமக்கு முறைப்பாடு கிடைத்துள்ளதாகவும் அவ்வலயங்களுக்கான கல்விப்பணிப்பாளர்கள் நிலைமையினை ஆராய்ந்து பாடசாலைகளை மூடலாமெனவும், அவ்வாறு மூடப்பட்ட நாட்களுக்கான பாடசாலை தினங்களை விடுமுறை நாட்களில் மீண்டும் நடத்தி கல்வியை தொடர நடவடிக்கை எடுக்குமாறும் பணிப்பாளர் நிஷாம் கேட்டுள்ளார்.

சில பாடசாலைகளை மூடிவிட்டு அதிபர்கள் கையொப்பம் இடுவதாக முறைப்பாடு கிடைத்துள்ளது. இது தவறாகும். மாணவர்களின் கல்வியை பாதிக்கும் செயலாகும். பாடசாலை மூடப்பட்டால் அத்தினத்திற்கு பதிலாக விடுமுறை நாட்களில் பாடசாலையை மீண்டும் நடாத்துவதே மாணவர்களின் கல்வியை பாதிக்காது என்றும் அவர் தெரிவித்துள்ளார்.

மட்டக்களப்பில் சுனாமி அனர்த்தத்தில் உயிர்நீத்தவர்களுக்கான 6ம் ஆண்டு ஆத்ம சாந்தி பிரார்த்தனை நிகழ்வுகள்

2010-12-26T13:03:00.001-08:00

உலகளவில் சுனாமிப் பேரலை அனர்த்தில் கடந்த 2004ஆம் ஆண்டு உயிர் நீத்தவர்களுக்கான ஆத்மசாந்தி பிரார்த்தனையுடனான யாகம் மட்டக்களப்பு நாவலடியில் இன்று காலை நடைபெற்றது. இவ் அனர்த்தத்தின்போது, மட்டக்களப்பு மாவட்டத்தில் அதிகம் பேரை காவுகொடுத்த பிரதேசமான நாவலடியில் நடைபெற்ற இந்நிகழ்வு, மாவட்டத்தின் பிரதான நிகழ்வாகவும் அமைந்தது. இந் நிகழ்வு நாவலடியிலுள்ள சுனாமி நினைவுத் தூபி அருகில் காலை முதல் நடைபெற்றது.

நாவலடி சுனாமி நினைவுப் பணி மன்றத்தின் ஏற்பாட்டில் நடைபெற்ற இந்த பிரார்த்தனை யாக, திதியுடன் கூடிய நினைவு விசேட பிரார்த்தனை நடைபெற்றது.

மட்டக்களப்பில் அதிகமான மக்கள் பலியான நாவலடியில் வருடா வருடம் பிதிர் கடமை நடைபெற்று வருகின்றது. அந்த வகையில் இவ்வருடமும் மட்டக்களப்பில் உயிரிழந்த, இலங்கையில், உலகத்தில் உயிரிழந்தவர்களின் ஆத்ம சாந்திப்பிரார்த்தனையும், நடைபெற்றது.

இப் பிரார்த்தனையில், மட்டக்களப்பு மாவட்டத்தில் தமது இடங்களில் பிதிர் கடமைகளை நிறைவேற்ற முடியாதவர்களும் கலந்து கொள்வது வழக்கமாகும். இம்முறை இந்நிகழ்வில், மட்டக்களப்பின் பல இடங்களிலிருந்தும் பொது மக்கள் கலந்து கொண்டு தமது உறவனர்களுக்கான ஆத்ம சாந்திப் பிரார்த்தனைகளில் கலந்து கொண்டனர்.

நாவலடியில் மாத்திரம் 925 பேர் சுனாமியில் பலியாகியிருந்தமை குறிப்பிடத்தக்கது. இதேவேளை மட்டக்களப்பு நகரில் மாத்திரம் 10க்கும் மேற்பட்ட இடங்களில் சுனாமியால் உயிரிழந்தவர்களுக்கான நினைவுப் பிரார்த்தனைகள் நடைபெற்றன.

அந்தவகையில், திருச்செந்தூர், டச்பார், உள்ளிட்ட இடங்களில் நடைபெற்ற நிகழ்வுகளில் மட்டு.திருமலை மறைமாவட்ட துணை ஆயர் யோசப்பொன்னையா ஆண்டகை, அருட்திரு. யோசப் மேரி ஆகியோர் கலந்து கொண்டு பிரார்த்தனைகளை நடத்தினர்.

இதேவேளை மட்டக்களப்பு மாவட்டத்தின் அனைத்து பகுதிகளிலும் சுனாமி நினைவுப் பிரார்த்தனைகள், மத அனுஸ்டானங்கள் நடைபெற்றமை குறிப்பிடத்தக்கது.

இலங்கையின் ஏனைய இடங்களிலும் இப் பிரார்த்தனைகள் இடம் பெற்றுள்ளன ,

திருக்கோவில் பிரதேசத்திலும் இப் பிரார்த்தனைகள் இடம்பெற்றன , இதன் போது அதிகமான மக்கள் ஆலயம் சென்று இறந்தவர்களுக்கு அவர்களது ஆத்மா சாந்தியடைய பிரார்த்தனைகளை செய்துள்ளனர் .

http://www.facebook.com/album.php?aid=257909&id=105303528424

http://www.facebook.com/battipeople

மட்டக்களப்பில் சட்டவிரோதமாக மின்சாரம் பெற்ற 115 பேர் கைது

2010-12-23T14:16:00.001-08:00

மட்டக்களப்பு மாவட்டத்தில் சட்டவிரோதமாக மின்சாரம் பெற்ற 115 பேர் மட்டக்களப்பு இலங்கை மின்சார சபை காரியாலய அதிகாரிகளால் கைது செய்யப்பட்டுள்ளனர்.

கடந்த மூன்று நாட்களாக மட்டக்களப்பு மாவட்ட பொலிஸாரும் , மின்சார சபையினரும் ஒன்றிணைந்து நடத்திய விசேட தேடுதல் நடவடிக்கையின் போதே சட்டவிரோத மின்பாவனையாளர்கள் இவ்வாறு கைது செய்யப்பட்டுள்ளனர்.

ஏறாவூர், வவுணதீவு, கொக்கட்டிச்சோலை மற்றும் களுவாஞ்சிக்குடி ஆகிய பகுதிகளில் இந்த சுற்றிவளைப்பு தேடுதல் இடம் பெற்றதாக தெரிவிக்கப்பட்டுள்ளது.

மட்டக்களப்பில் சட்டவிரோதமாக மின்சாரம் பெற்ற 115 பேர் கைது

2010-12-23T14:16:00.000-08:00

அம்பாறையின் கரையோரப் பகுதிகளில் கடற்கோள் அனர்த்த நினைவுகூரல் நிகழ்வுகள்

2010-12-23T14:04:00.001-08:00

அம்பாறை மாவட்ட நிருபர் : கடற்கோள் அனர்த்தம் ஏற்பட்ட ஆறாம்வருட நினைவு தின நிகழ்வுகள் அம்பாறை மாவட்டத்தின் கரையோரப் பிரதேச தமிழ், முஸ்லிம் கிராமங்களில் இடம்பெறவுள்ளன.

எதிர்வரும் 26 ஆம் திகதி ஞாயிற்றுக்கிழமை இந்த உணர்வுபூர்வமான நிகழ்வுகள் நடைபெறுவதற்கு ஏற்பாடுகள் செய்யப்பட்டு வருவதுடன், அன்றைய தினத்தை கடற்கோளால் மரணித்தவர்களுக்கான ஞாபகார்த்தத் தினமாகவும் பிரடகனப்படுத்தி அவர்களுக்காகப் பிரார்த்தனை மற்றும் அஞ்சலி நிகழ்வுகளும் இடம்பெறவுள்ளன.

கடற்கோள் அனர்த்தத்தின் போது அம்பாறை மாவட்டத்தின் கரையோரப் பிரதேசத் தமிழ், முஸ்லிம் கிராமங்களான மருதமுனை, துறைநீலாவணை, பெரிய நீலாவணை, பாண்டிருப்பு, கல்முனை, கல்முனைக்குடி, சாய்ந்தமருது, மாளிகைக்காடு, காரைதீவு, நிந்தவூர், தம்பட்டை, தம்பிலுவில், திருக்கோவில், பொத்துவில் போன்ற கிராமங்கள் பெரும்பாதிப்புக்குள்ளாகியதுடன் பெருமளவானோர் உயிர் நீத்த சம்பவங்களும் இடம்பெற்றன.

இதன்படி அம்பாறை மாவட்டத்தின் தமிழ்ப் பிரதேசங்களில் உயிர்நீத்தவர்களின் நினைவுத் தூபிகள் நிர்மாணிக்கப்பட்டுள்ள இடங்களில் அஞ்சலி நிகழ்வுகளும் சமய நிகழ்வுகளும் நினைவுப் பேருரைக் கூட்டங்களும் இடம்பெறவுள்ளன.

அதேபோல் முஸ்லிம் பிரதேசங்களில் கடற்கோள் அனர்த்தத்தின் போது உயிர்நீத்த மக்களுக்காக கத்தமுல் குர்ஆன் ஓதி தமாம் செய்தல், அன்னதானம் வழங்கல் என்பன உட்பட நினைவு தினக் கூட்டங்களும் மார்க்க உபந்நியாசங்களும் இடம்பெறவுள்ளன.

இதேவேளை கடற்கோளினால் உயிர்நீத்த ஷûஹதாக்களின் 6 ஆம் வருட நினைவு தின நிகழ்வுகளை கல்முனை இஸ்லாமிய நலன்புரிச் சங்கம் எதிர்வரும் 26 ஆம் திகதி நடத்தவிருக்கின்றது.

மௌலவி அல்ஹாஜ் எஸ்.ஏ.ஆர்.எம்.செய்யது கலீல் மௌலானா தலைமையில் கல்முனைக்குடி கடற்கரைப் பள்ளிவாசலில் நாகூர் ஆண்டகை தர்ஹா முற்றவெளியில் இந்த நிகழ்வுகள் நடைபெறவுள்ளன. கத்தமுல் குர்ஆன் தமாம் வைபவம் அன்னதானம் வழங்கல் மார்க்க உபந்நியாசம், துஆ பிரார்த்தனை என்பன நிகழ்வில் இடம்பெறவுள்ளன.

அம்பாறையின் கரையோரப் பகுதிகளில் கடற்கோள் அனர்த்த நினைவுகூரல் நிகழ்வுகள்

2010-12-23T14:04:00.000-08:00

பெரியகல்லாறு பகுதியில் திருநீறு சொரியும் சாய்பாபா திருவுருவப்படம்

2010-12-19T05:26:00.001-08:00

மட்டக்களப்பு மாவட்டத்தின் களுவாஞ்சிகுடி பிரதேச செயலகத்துக்குட்பட்ட பெரிய கல்லாறு இரண்டாம் குறிச்சியிலுள்ள புஸ்பகுமார் என்பவரின்;; இல்லத்திலுள்ள பூஜை அறையில் காணப்படும் சாயி பாபா மற்றும் விநாயகர் திருவுருவப்படங்களிலிருந்து கடந்த சில தினங்களாக விப10தி சொரிந்த வண்ணம் உள்ளது.

மேற்படி பக்தர் அண்மையிலேயே இந்தியாவிலுள்ள புட்டபத்திக்கு சென்று சாய்பாபாவின் நேரடித்தரிசனம் பெற்றவர் என்பதும் குறிப்பிடத்தக்கது

பெரியகல்லாறு பகுதியில் திருநீறு சொரியும் சாய்பாபா திருவுருவப்படம்

2010-12-19T05:26:00.000-08:00

கோமாரி பகுதியில் புதையல் அகழ்ந்து கொண்டிருந்த ஐவர் இன்று காலை கைது

2010-12-19T05:19:00.001-08:00

அம்பாறை மாவட்டத்தின் பொத்துவில் பிரதேசத்தில் உள்ள கோமாரி காட்டு பகுதியில் புதையல் அகழ்ந்து கொண்டிருந்த ஐவர் இன்று காலை கைது செய்யப்பட்டனர்.

விசேட அதிரடிப்படையினர் இரகசிய தகவல் ஒன்றின் அடிப்படையில் காட்டுப் பகுதியை சுற்றி வளைத்து இவர்களை கைது செய்தனர்.

இவர்களின் உடைமையில் இருந்து முச்சக்கர வண்டி ஒன்றும், உள்நாட்டில் தயாரிக்கப்பட்ட துப்பாக்கி ஒன்றும் கைப்பற்றப்பட்டு உள்ளன.

கோமாரி பகுதியில் புதையல் அகழ்ந்து கொண்டிருந்த ஐவர் இன்று காலை கைது

2010-12-19T05:19:00.000-08:00

விஞ்ஞான பாட பரிசோதனையால் தீப்பற்றி மட்டக்களப்பு மெதடிஸ்த மத்திய கல்லூரி மாணவன் பலி

2010-12-13T23:51:00.001-08:00

மட்டக்களப்பில் பாடசாலை மாணவன் ஒருவன் விஞ்ஞான பாட பரிசோதனையில் ஈடுபட்டபோது தீப்பற்ற பரிதாபகரமாக உயிரிழந்தார்.

மட்டக்களப்பு மெதடிஸ்த மத்திய கல்லூரியில் வகுப்பு 9 இல் கல்வி பயிலும் குகராஜா கேசாணன் என்னும் மாணவனே மேற்படி விஞ்ஞான பாட பரிசோதனையில் ஈடுபட்டிருந்தபோது தீப்பற்றி உயிரிழந்தவராவார்.
மேற்படி சம்பவம்பற்றி தெரியவருவதாவது
நேற்றைய தினம் (12.12.2010) பிற்பகல் 4.30 மணியளவில் குறித்த மாணவன் தனது வீட்டில் வைத்து 9 ஆம் ஆண்டு விஞ்ஞான பாடப் புத்தகத்தில் உள்ள தீச்சுவாலை பற்றிய ஒரு பரிசோதனையை மேற்கொள்வதற்காக மண்ணெண்ணையை ஒரு பாத்திரத்தில் இட்டு அதனை எரிய விட்டு சுழற்றிய போது தீடீரென்று தனது உடம்பில் தீப்பற்றிய நிலையில் படுகாயமடைந்து மட்/போதனா வைத்தியசாலையில் அனுமதிக்கப்பட்டிருந்தார்.
இருந்தபோதிலும், சிகிச்சை பயனளிக்காததால் பரிதாபமாக உயிரிழந்துள்ளார்.

மட்டக்களப்பு கல்லடி பாலத்தில் நீந்துவது பாம்பு அல்ல மீன்களே

2010-12-01T11:23:00.001-08:00

மட்டக்களப்பு கல்லடி பாலத்தின் கீழ் ஆயிரக்கணக்கான பாம்புகள் நீந்திக்கொண்டிருப்பபதாக பொதுமக்கள் தெரிவித்துள்ளனர். எனினும் அவை பாம்புகள் அல்லவென தற்போது தெரிவிக்கப்படடுள்ளது. இவை ஒருவகை மீனினங்கள் என ம்டடக்களப்பு மாவட்ட அனர்த்த முகாமைத்துவ பதில் இணைபாளர் அலி மெஹமது மெஹமட் காசீம் தெரிவித்துள்ளார்.

நேற்றைய தினம் இவை அவதானிக்கப்பட்டதாகவும் இன்றைய தினமும் அவை அவதானிக்கப்படுவதாகவும் பொதுமக்கள் தெரிவித்துள்ளனர்.

விலாங்கு மீன் என்ற இனத்தை சேர்ந்த இந்த மீன்கள் தமது வாழ்க்கையை தொடருவதற்காக ஆறுகளில் இருந்து கடலுக்கு செல்வதையே தற்போது அவதானிக்ககூடியதாக உள்ளது.

பலரும் இது பாம்புகள் எனக்கூறுவதுடன் சுனாமி வருவதற்கான எச்சரிக்கையாகவே இந்த பாம்புகள் நீந்துவதாகவும் பதற்றத்தை தோற்றுவித்திருந்தனர்.

எனினும் அனர்த்த முகாமைத்துவ மததிய நிலையம் அனர்த்தங்கள் தொடர்பாக எந்த நேரத்திலும் தகவல்களை வழங்கும் என தெரிவித்துள்;ள அலி மட்டக்களப்பு வாவியில் நீந்துவதாக கூறப்படும் பாம்புகளை போன்ற மீனினத்தை கண்டு அச்சம் கொள்ள தேவையில்லை என குறிப்பிட்டுள்ளார்.தொடர்பு பட்ட செய்தி

மட்டக்களப்பு கல்லடி பாலத்தில் நீந்துவது பாம்பு அல்ல மீன்களே

2010-12-01T11:23:00.000-08:00

தம்பிலுவில் கடலில் குளிக்கச்சென்று காணாமல் போன இருவரில் ஒருவரின் சடலம் மீட்பு

2010-11-30T22:04:00.001-08:00

கடலில் நேற்று செவ்வாய்க்கிழமை குளிக்கச்சென்று காணாமல் போன இரு இளைஞர்களில் ஒருவரின் சடலத்தை பொலிஸார் இன்று காலை மீட்டுள்ளனர்.

பதுளையைச் சேர்ந்த வி. செல்வக்குமார் (வயது 21) என்ற இளைஞனின் சடலத்தையே இன்று காலை 9.10 மணியளவில் திருக்கோவில் பொலிஸார் மீட்டுள்ளனர்.
குளிக்கச்சென்ற இடத்திலிருந்து ஒரு மைலுக்கு அப்பால் மேற்படி இளைஞனின் சடலம் மீட்கப்பட்டதாக பொலிஸார் தெரிவித்தனர்.
இவ்விளைஞனின் சடலம் திருக்கோவில் பொது வைத்தியசாலைக்கு பிரேத பரிசோதனைக்காக எடுத்துச் செல்லப்பட்டுள்ளது.
நேற்று செவ்வாய்கிழமை திருக்கோவில் கடலுக்குச் குளிக்கச் சென்ற இரு இளைஞர்கள் காணாமல் போனதுடன் அவர்களிள் ஒருவரே இன்று சடலமாக மீட்கப்பட்டுள்ளார்.
மற்றைய இளைஞனின் சடலத்தை தேடும் பணியில் பொலிஸாரும் பொதுமக்களும் ஈடுப்பட்டுவருகின்றனர்

திருக்கோவில் கடலில் மூழ்கிய இரு இளைஞர்களை காணவில்லை

2010-11-30T21:38:00.001-08:00

கடலில் குளித்த இரு இளைஞர்கள் அலையில் சிக்கி காணாமல் போன சம்பவம் நேற்று செவ்வாய்க்கிழமை திருக்கோவில் கடலில் இடம்பெற்றது.

ஏழு இளைஞர்கள் காலை 8 மணிக்கு கடலில் குளித்தனர்.இருவர் சற்றுத்தொலைவில் தனியாக குளித்த போது இச்சம்பவம் இடம்பெற்றது.காணாமல்போன இருவரில் ஒருவர் எதிர்வரும் க.பொ.த.சாதாரண தர பரீட்சைக்கு தோற்றவுள்ள மாணவன் என்பதும் குறிப்பிடத்தக்கது.

திருக்கோவில் மகாவித்தியாலயத்தில் கல்வி கற்கும் சிவசோதி றோஜன் (16 வயது) மற்றும் பதுளையைச் சேர்ந்த எஸ்.செல்வகுமார்(20 வயது) ஆகியோர் இச்சம்பவத்தில் காணாமல் போனவர்களாவர்.திருக்கோவில் பொலிஸாரும் உறவினர்களும் இவர்களைத்தேடும் பணிகளில் ஈடுபட்டுள்ளனர். திருமண வைபவம் ஒன்றிற்கு வந்த இளைஞர்கள் கடலில் குளித்ததாகவும் தெரிவிக்கப்படுகிறது

மட்டக்களப்பில் நிறநிற பாம்புகள் - மீண்டும் பேரழிவுக்கு அறிகுறியா? - மக்கள் பீதி

2010-11-30T17:39:00.000-08:00

மட்டக்களப்பு கல்லடி பாலத்தின் கீழள்ள வாவியில் ஆயிரக்கணக்கான பாம்புகள் நீந்திச்செல்கின்றன. இவற்றைக்காண மழையையும் பொருட்படுத்தாது பெருமளவிலான மக்கள் கூடியுள்ளதை அவதானிக்கமுடிவதாக அங்கிருக்கும் எமது செய்தியாளர் தெரிவிக்கிறார்.

இன்று மாலை முதல் வாவியில் நீந்தும் வெள்ளை மற்றும் பச்சை நிறங்களில் காணப்படும் இப்பாம்புகள் 2 அடிக்கும் 3 அடிக்கும் இடைப்பட்டவைகள் என்பது குறிப்பிடத்தக்கது.

இவ்வாறு கல்லடிப் பாலத்தின் கீழுள்ள வாவியில் பெருளவிலான பாம்புகள் நீந்தி ஓடுவது இது இரண்டாவது தடவையாகும்.

இவ்வாறு கடந்த 2004 ஆம் ஆண்டும் இலட்சக்கணக்கான பாம்புகள் வாவியில் நீந்தின. இவ்வாறு பாம்புகள் தென்படட்டு 5 மாதங்களில் சுனாமி அனர்த்தம் ஏற்பட்டதும் குறிப்படத்தக்கது.

இப்பாம்புகள் வெளியானதன் பின்னர் இம்மாவட்ட மக்கள் மத்தியில் பெரும் பதற்றமும் பரபரப்பும் ஏற்பட்டுள்ளது.

மட்டக்களப்பில் இன்று ஆக்கத்திறன் கண்காட்சி ஆரம்பம்

2010-10-30T17:23:00.001-07:00

மட்டக்களப்பு இந்துக்கல்லூரி மண்டபத்தில் நடைபெறும் மாவட்ட முன்பள்ளி ஆசிரியர்களின் ஆக்கத்திறன் கண்காட்சி இன்று காலை ஆரம்பித்து வைக்கப்பட்டது.

இன்றும் நாளையும் நடைபெறும் இக்கண்காட்சியை மட்டக்களப்பு மாவட்ட முன் பள்ளி ஆசிரியர்களின் அபிவிருத்தி வலயமைப்பு ஏற்பாடு செய்திருந்தது...

..இன்றைய ஆரம்ப நிகழ்வில் தமிழ்த் தேசியக் கூட்டமைப்பின் மட்டக்களப்பு மாவட்ட நாடாளுமன்ற உறுப்பினர் பொன் செல்வராசா, கிழக்கு மாகாண சபை உறுப்பினர் பிரசாந்தன், கிழக்கு மாகாண பாலர்பாடசாலைகளின் பணியகத் தலைவர் நடராசா உட்பட அதிகாரிகள் மற்றும் முன் பள்ளிகளின் ஆசிரியர்கள் கலந்து கொண்டனர்.

இன்று ஆரம்பிக்கப்பட்ட இக்கண்காட்சி நாளை மாலையுடன் நிறைவு பெறவுள்ளது.

இக்கண்காட்சியில் மட்டு. மாவட்டத்திலுள்ள மட்டக்களப்பு, கல்குடா, பட்டிருப்பு ஆகிய மூன்று வலயங்களிலுமுள்ள 500 முன்பள்ளிகளிலிருந்து 1500ஆசிரியைகள் பங்குபற்றியுள்ளனர்.

முன்பள்ளி ஆசிரியைகளை கௌரவிக்கும் நிகழ்வும் இதன் போது இடம்பெற்றது

கிழக்கிலங்கை கிறிஸ்தவ வாழ்வு சமூகங்களின் வருடாந்த மகாநாடு (பட இணைப்பு) _

2010-10-30T17:17:00.001-07:00

கிழக்கிலங்கை கிறிஸ்தவ வாழ்வு சமூகங்களின் வருடாந்த மகாநாடு கல்முனை திரு இருதய ஆண்டவர் மண்டபத்தில் மூன்று தினங்கள் வெகு சிறப்பாக நடைபெற்றது.

அங்குரார்ப்பண நிகழ்வில் பிரதம விருந்தினராக திருமலை மட்டக்களப்பு மறைமாவட்ட ஆயர் அதிமேதகு ஜோசப் கிங்ஸ்லி சுவாம்பிள்ளை ஆண்டகை அவர்களும், பிரதம அதிதியாக சிவில் மேல் முறையீட்டு நீதிபதி பாலசிங்கம் சசிமகேந்திரன், சிறப்பு விருந்தினர்களாக மட்டக்களப்பு கல்முனை கரித்தாஸ் எகெட் நிறுவக இயக்குனர் அருட்பணி. பேராசிரியர். வு.ளு. சில்வெஸ்ரர், கல்முனை மறைக்கோட்ட குரு முதல்வர் அருட்பணி. ஜூட் ஜோண்சன் ஆகியோர் கலந்து சிறப்பித்தார்கள்.

கொடிகள் ஏற்றி வைக்கப்பட்டு புனித இஞ்ஞாசியாரின் இந்நிகழ்வு பிராந்திய கிறிஸ்தவ வாழ்வு சமூகத்தின் ஆன்மீக உதவியாளர் அருட்தந்தை ஆஞ்சலோ பொன்னையா அவர்களினால் வழிநடத்தப்பட்டது.

திருகோணமலை, மட்டக்களப்பு, கல்முனை ஆகிய மறைக்கோட்டங்களில் இருந்து சுமார் நூற்றுக்கு மேற்பட்ட இளைஞர் யுவதிகள், திருமணமானோர் இம் மகாநாட்டில் கலந்து சிறப்பித்தனர்.

எடை குறைந்த பாண் விற்பனை : மட்டக்களப்பில் ஐவருக்கு அபராதம் விதிப்பு

2010-10-30T17:13:00.001-07:00

எடை குறைந்த பாண் விற்பனை செய்த ஐவர் இன்று மட்டக்களப்பு மாவட்ட நீதிவான் நீதிமன்றத்தில் ஆஜர்படுத்தப்பட்டனர். இவர்களுக்குத் தலா 7,000 ரூபா வரை அபராதம் விதிக்கப்பட்டது.

மட்டக்களப்பு மாவட்டத்தில் அளவீட்டு அலகுகள், நியமங்கள் சேவைகள் திணைக்களத்தின் வருடாந்த முத்திரை பதியாதோர் மற்றும் எடை குறைந்த பாண் விற்பனை செய்யும் வர்த்தகர்களுக்கெதிராக சட்ட நடவடிக்கை எடுக்கப்பட்டு வருகின்றது.

மாவட்ட அரசாங்க அதிபர் சுந்தரம் அருமைநாயகம் இத்தகைய சட்ட விரோத வியாபாரிகளை கண்டுபிடித்து சட்ட நடவடிக்கை எடுக்குமாறு அளவீட்டு அலகுகள் நியமங்கள் மற்றும் சேவைகள் திணைக்கள மாவட்ட பொறுப்பதிகாரி வீ.விக்னேஸ்வரனுக்கு உத்தரவு பிறப்பித்துள்ளார்.

இவ்வாறானவர்களைக் கண்டுபிடிப்பதற்கென திடீர் வேட்டைகள் நடத்தப்பட்டு வருவதாக அரசாங்க தகவல் திணைக்களத்தின் மட்டக்களப்பு மாவட்ட ஊடகப்பிரிவுத் தகவல் தெரிவிக்கின்றது.

இதற்கமைய மட்டக்களப்பு மாநகர எல்லைப்பகுதிக்குள் நடத்திய திடீர் வேட்டையில் சட்டவிரோதமாக செயல்பட்ட 09 வர்த்தகர்கள் கண்டு பிடிக்கப்பட்டுள்ளனர். இவர்களில் ஒரு இறாத்தல் பாண் 450 கிராமுக்குப் பதிலாக 365,370,405 கிராம் எடைகளில் விற்பனை செய்த ஐவர் கண்டுபிடிக்கப்பட்டுள்ளனர்.

இதுதவிர, அளவைக் கருவி உபகரணங்களுக்குப் பதிலாக போலியானவற்றைப் பயன்படுத்தியதாக இரு வர்த்தகர்களும், முத்திரை பொறிக்கப்படாத அளவைக் கருவிகளைப் பயன்படுத்திய இரு வர்த்தகர்களும் கண்டுபிடிக்கப்பட்டு மாவட்ட அரசாங்க அதிபர் சுந்தரம் அருமைநாயகத்தின் பணிப்புக்கமைய இன்று மட்டக்களப்பு நீதிவான் நீதிமன்றத்தில் ஆஜர் செய்யப்பட்டனர்.

அளவை நிறுவை பொறுப்பதிகாரி வீ.விக்னேஸ்வரனால் நீதிவான் நீதிமன்ற நீதிபதி வீ. ராமக்கமலன் முன்னிலையில் ஆஜர் செய்யப்பட்ட வர்த்தகர்களுக்கு தலா 7.000 ரூபா வரை அபராதம் விதிக்கப்பட்டுள்ளதாக மாவட்ட அரச அலுவலக ஊடகப் பிரிவு தெரிவிக்கின்றது.

தம்பிலுவில் பொது மயானத்திற்கு அருகில் ஆயுதங்கள் மீட்பு

2010-10-16T11:15:00.001-07:00

திருக்கோவில், தம்பிலுவில் பொது மயானத்திற்கு அருகில் புதைத்து வைக்கப்பட்டிருந்த ஆயுதங்கள் சில அம்பாறை விசேட காவல்துறை நடவடிக்கை பிரிவினர் மீட்டுள்ளனர். இதன்போது, ரி 56 ரக துப்பாக்கியொன்று, அதற்கான ரவைகள் 54 என்பவற்றை மீட்டு திருக்கோவில் காவல்நிலையத்தில் ஒப்படைக்கப்பட்டுள்ளன. எனினும், சந்தேக நபர்கள் எவரும் இதுவரை கைது செய்யப்படவில்லை.

சேனைக்குடியிருப்பு ஆற்றில் குடும்பஸ்தர் சடலமாக மீட்பு

2010-10-14T17:18:00.001-07:00

அம்பாறை மாவட்டத்தின் கல்முனை பொலிஸ் பிரிவுக்குட்பட்ட சேனைகுடியிருப்பை சேர்ந்த குடும்பஸ்த்தர் கிட்டங்கி ஆற்றில் இருந்து சடலமாக மீட்கப்பட்டுள்ளார்.

இன்று வியாழக்கிழமை காலை துறைநீலாவணையை சேர்ந்தவரும் சேனைக்குடியிருப்பில் வசிப்பவருமான கோவிந்தபிள்ளை குணசேகரம் (50 வயது) என்பவரே இவ்வாறு சடலமாக மீட்கப்பட்டதாக கல்முனை பொலிஸார் தெரிவித்தனர்.

மீட்கப்பட்ட சடலம் கல்முனை வடக்கு ஆதார வைத்தியசாலைக்கு கொண்டு செல்லப்பட்டுள்ளதாகவும் பொலிஸார் தெரிவித்தனர்.

இது தொடர்பிலான விசாரணையை கல்முனை பொலிஸார் மேற்கொண்டு வருகின்றனர்

மட்டக்களப்பு மாவட்டத்தில் காட்டு யானைகளின் தாக்குதலுக்கு மூன்று பேர் பலி

2010-10-14T16:51:00.001-07:00

கிழக்கே மட்டக்களப்பு மாவட்டத்தில் யுத்த இடப்பெயர்வின் பின்னர் மீள் குடியேற்றப்பட்ட பிரதேசங்களில் 72 மணி நேரங்களில் காட்டு யானைகளின் தாக்குதலுக்கு இலக்காகி இரண்டு விவசாயிகள் உட்பட மூன்று பேர் மரணமடைந்துள்ளதாக பொலிசார் தெரிவிக்கின்றனர்.
கடந்த திங்கட்கிழமை முதல் புதன்கிழமை வரை தினமும் ஒருவர் என யானைகளின் தாக்குதல்களுக்கு இலக்காகி இவர்கள் பலியாகியுள்ளனர்.
இம்மாவட்டத்தில் புது மண்டபத்தடி மற்றும், வாகனேரி ஆகிய இடங்களில் இந்த விவசாயிகளும், வெல்லாவெளி பிரதேசத்தில் வீடொன்றில் உறங்கிக் கொண்டிருந்த பெணணொருவர் மரணமடைந்துள்ளார்.

Grade V Scholarship 2010 Examination Result

2010-10-07T16:03:00.001-07:00

Malavan Supatha of Kalai Makal Vidyalayam, Thambiluvil obtained the first place (Tamil medium) obtaining 193 marks. Three students have obtained the second place with 194 marks, Examinations Commissioner General Anura Edirisinghe said.

They are Naween Yasanka Premaratne of Minuwangoda Horagasmulla Primary College, Jayathungagamage Kanani Pabasara of Kalutara Meegahathanna Primary School and R.L. Lathik Nawodya of Mahinda College Galle. According to the Grade V Scholarship Examination results, 31,000 students are qualified to receive scholarships and enter popular schools.

Accordingly, 16,000 students will be given popular schools while 15,000 will receive only scholarships, the Commissioner said. All results including those of the Colombo district will be issued today.

However, principals of schools in the Colombo district or suburbs can collect their result sheets by calling over at the Examinations Department prior to them being posted. Results will be released over the Internet at noon today, the Commissioner added.

This year 313,450 students have sat the Year V Scholarship Examination held on August 22 at 2,744 examination centres island-wide.

For the first time in the history of the Grade V Scholarship Examination the Examinations Department will issue certificates for students who have obtained at least 70 marks or above.

The lowest cut-off marks for Sinhala medium were reported from the Vavuniya and Trincomalee Districts (139) while 148 was reported as the highest marks from Nine Districts throughout the country.

Those are Colombo, Gampaha, Kalutara, Kandy, Matale, Galle, Matara, Kurunegala and Kegalle.

The lowest cut-off marks for the Tamil medium was 137 reported from the Hambantota district while the highest marks for the Tamil medium was 145.

-------

Place Name School Marks

First E.A.K. Edirisinghe Dharmpala Vidyalaya 196 Pannipitiya Malavan Supatha Kalai Makal Vidyalayam, Thambiluvil

193

Second N.Y. Premaratne Horagasmulla Primary College, Minuwaingoda 194 J.K. Pabasara Meegahatanna Primary School Kalutara 194 R.L. Lathik Nawodya Mahinda College Galle 194

மட்டக்களப்பு,அம்பாறை மாவட்ட வேலையற்ற பட்டதாரிகள் மாணவர் சங்கம் இன்று மட்டக்களப்பில் ஆர்ப்பாட்டம்

2010-08-11T11:39:00.001-07:00

மட்டக்களப்பு,அம்பாறை மாவட்ட வேலையற்ற பட்டதாரிகள் இன்று புதன்கிழமை காலை வேலை வாய்ப்பினை வழங்கக்கோரி கவன ஈர்ப்பு மற்றும் ஆர்ப்பாட்ட பேரணியினை நடத்தினர்.

இன்று காலை 7.30மணியளவில் கல்லடி சிவானந்தா தேசிய பாடசாலை முன்பாக ஒன்று கூடி அங்கிருந்து கல்முனை மட்டக்களப்பு பிரதான வீதியுடாக மட்டக்களப்பு நகரை நோக்கி மத்திய அரசே!இமாகாண அரசே! வேலையற்ற பட்டதாரிகளாகிய எமக்கு வேலைவழங்கு! எனக்கோஷமிட்டவாறு பதாகைகளை ஏந்தியவண்ணம் பேரணியாக சென்றனர்.

இந்த பேரணியில் தமிழ் தேசிய கூட்டமைப்பு பாராளுமன்ற உறுப்பினர்களான பொன்.செல்வராசா,பா.அரியநேந்திரன்,சீ.யோகேஸ்வரன் மற்றும் மாகாணசபை உறுப்பினர் இரா.துரைரெட்னம் ஆகியோர் இவர்களுக்கு ஆதரவு வழங்கி பேரணியில் இறுதிவரை கலந்துகொண்டனர்.

கல்லடி பாலத்தினை அடைந்த பேரணி பாலத்தினூடாக போக்குவரத்தை தடைசெய்து சுமார் இரண்டு மணித்தியாலம் மட்டக்களப்பு –கல்முனை வீதி போக்குவரத்தை தம்பிதமடைய செய்தது.

ஆரம்பத்தில் பொலிஸார் பேரணியை தடுக்க முற்பட்டபோதும் பின்னர் மட்டக்களப்பு கச்சேரிவரை பேரணியாக செல்வதற்கு அனுமதி வழங்கப்பட்டது.

கச்சேரியினை அடைந்த பேரணி தமது பிரதிநிதிகளை பாராளுமன்ற உறுப்பினர்கள், மாகாணசபை உறுப்பினர் சகிதம் அரச அதிபரிடம் ஜனாதிபதிக்கு அனுப்புவதற்கான தமது கோரிக்கைகள் அடங்கிய மகஜரை கையளித்தனர்.

அம் மகஜரில் தெரிவிக்கப்பட்டுள்ளதாவது,

மட்டக்களப்பு,அம்பாறை மாவட்டத்தில் வேலையற்ற பட்டதாரிகளுக்கு மத்திய அரசும் மாகாண அரசும் தனியார் நிறுவனங்களும் அரசசார்பு, சார்பற்ற நிறுவனங்களும் வேலைவாய்ப்புகளை வழங்கிவந்திருந்தது.

ஆனால்,நீண்டகாலமாக பட்டதாரிகளுக்கு வேலைவாய்ப்பை வழங்காமையினால் 2005முதல் இற்றை வரைக்கும் கூடுதலான பட்டதாரிகள் வேலையின்றி காணப்படுகின்றனர்.

அந்தவகையில் மட்டக்களப்பு மாவட்டத்தில் 1650பேரும் திருகோணமலை மாவட்டத்தில் 650பேரும் அம்பாறையில் 1200பேரும் வேலையற்று காணப்படுவதாக தெரிவிக்கப்பட்டுள்ளதோடு தற்போது மத்தியமாகாண அரசிடம் உள்ள நியமனம் வழங்கும் நடைமுறையில் வேலையற்ற பட்டதாரிகளுக்கு நியமனம் வழங்கும்போது பல்கலைக்கழகத்தில் இருந்த வெளியேறிய ஆண்டின் அடிப்படையில் நியமனம் வழங்கப்படவேண்டும்,அரச சுற்று நிருபத்துக்கு அமைய மூன்று வீதம் விசேட தேவையுள்ள பட்டதாரிகளுக்கு நியமனம் வழங்கப்படவேண்டும்,40 தொடக்கம் 45வரையான பட்டதாரிகள் வேலையற்று காணப்படுவதனால் இவர்களுக்கு முன்னுரிமை அளிக்கப்படவேண்டும்,முறைகேடான நியமனங்கள் தவிர்க்கப்படவேண்டும்,மத்திய,மாகாண அரசு வேலையற்ற பட்டதாரிகள் நலன் தொடர்பில் நிரந்த திட்டத்தை முன்வைக்கவேண்டும்,வடகிழக்கு பட்டதாரிகளுக்கு விசேட சலுகைகள் வழங்க வேண்டும் என்பன போன்ற கோரிக்கைகள் மகஜரில் தெரிவிக்கப்பட்டுள்ளன.

மட்டக்களப்பு,அம்பாறை மாவட்ட வேலையற்ற பட்டதாரிகள் மாணவர் சங்கம் இன்று மட்டக்களப்பில் ஆர்ப்பாட்டம்

2010-08-11T11:39:00.000-07:00

மட்டு.விவேகானந்தாவில் விளையாட்டுப் போட்டி!

2010-06-30T15:38:00.001-07:00

மட்டக்களப்பு மாவட்டத்தின் கல்லடிப் பகுதியில் அமைந்திருக்கும் மட்டு.விவேகானந்தா பெண்கள் பாடசாலையின் ஆரம்பப் பிரிவு

மாணவர்களுக்கான விளையாட்டுப் போட்டி கடந்த திங்கட்கிழமை பாடசாலையின் அதிபர் இந்திராணி புஸ்பராசாவின் தலைமையில் இடம்பெற்றது.

இந் நிகழ்வுக்கு மீள் குடியேற்ற பிரதியமைச்சர் விநாயகமூர்த்தி முரளிதரன் பிரதம அதிதியாக கலந்து கொண்டார்.

கௌரவ அதிதிகளாக மீள்குடியேற்ற அமைச்சரின் இணைப்புச் செயலாளர் ரி.இரவிந்திரன்,மட்டக்களப்பு வலயக் கல்விப் பணிப்பாளர் ஈ.போல் மற்றும் ஆரம்ப பிரிவுக்கான உதவிக் கல்விப் பணிப்பாளர் ஏ.ரகுநாதன் ஆகியோர் கலந்து கொண்டனர்.

மட்டு.விவேகானந்தாவில் விளையாட்டுப் போட்டி!

2010-06-30T15:38:00.000-07:00